25.11.2024 | 16:23
Երևանում տեղի է ունենալու «Ընդդեմ ցեղասպանության հանցագործության» 5-րդ գլոբալ ֆորումը
BBC-ն հրապարակել է Դոնեցկում հունվարի 1-ին զոհված 92 ռուս զինվորակնների անուններն ու լուսանկարները
Քաղաքականություն
25.01.2023 | 15:47
BBC-ին հաջողվել է պարզել 92 ռուս զինվորականների անունները, որոնք մահացել են Դոնեցկի մերձակայքում գտնվող Մակեևկայի արհեստագործական ուսումնարանի գնդակոծման ժամանակ։ Սա երեքով ավելի է, քան զոհերի թիվը, որը հայտնել է ՌԴ ՊՆ-ն։ Եվս առնվազն 16 զինվորների ընտանիքներ չեն կարողանում գտնել իրենց զինվորներին։
BBC-ն նշում է, որ, օրինակ, մոբիլիզացված Միխայիլ Սերգեևի հարազատները դիմումներ են գրել հնարավոր բոլոր մարմիններին դեռևս հունվարի սկզբին, բայց այդպես էլ պատասխան չեն ստացել։
Լրատվականը նշում է, որ տվյալները հաստատվել են մահացած ռուս զինվորականների ցանկի հիման վրա, որը BBC-ն վարում է Mediazona-ի և կամավորների թիմի հետ համատեղ՝ հիմնվելով բաց աղբյուրների տվյալների վրա։
Մակեևկայի արհեստագործական ուսումնարանի շենքի վրա հարձակումը, որտեղ տեղակայված էին ռուս զինվորականները, տեղի է ունեցել հունվարի 1-ի գիշերը։ Հունվարի 4-ին ՌԴ Պաշտպանության նախարարությունը հաստատել է 89 մարդու մահը և դրանից հետո չի մեկնաբանել իրավիճակը։ Ուկրաինական կողմը հայտնել է հարյուրավոր զոհերի մասին։
Ամբողջական ցանկը՝ այստեղ։
Տաթև Ֆռանգյան
