25.11.2024 | 13:36
Ռումինիայի նախագահական ընտրությունների առաջին փուլում առաջատար է ՆԱՏՕ-ին և Ուկրաինային օգնությունը քննադատած Քելին Ջորջեսկուն
Ուզբեկստանի նախագահը կարգադրել է 24%-ով կրճատել պետական ծառայողների թիվը
Քաղաքականություն
25.01.2023 | 14:50
Ուզբեկստանի նախագահ Շավքաթ Միրզիյոևը հրամանագիր է ստորագրել, որը նախատեսում է 17,447 պետական ծառայողների կրճատում, ինչը կազմում է 24%։ «Ինտերֆաքս»-ին այս մասին հայտնել են պետության ղեկավարի մամուլի ծառայությունում։
«Հանրապետության գործադիր իշխանության մարմինների գործունեությունն արդյունավետ կազմակերպելու նպատակով կազմակերպչական սկզբնական միջոցառումների մասին» հրամանագիրը ստորագրվել է ավելի վաղ հայտարարված վարչական բարեփոխումների շրջանակում։
Կրճատումը կազդի ղեկավար և արտադրական անձնակազմի վրա, ասվում է փաստաթղթում։ Նախարարությունների և գերատեսչությունների ղեկավարների տեղակալների թիվը կրճատվում է մեկ երրորդով՝ մինչև 144 մարդ, իսկ պետական գերատեսչությունների աշխատողների ընդհանուր առավելագույն թիվը սահմանվել է 56,573 մարդ։
Պետական պաշտոնյաների հաստիքների կրճատման արդյունքում իշխանությունները նախատեսում են խնայել 1,5 տրիլիոն սում (գրեթե 130 մլն դոլար), նշել են նախագահի մամուլի ծառայությունում։
Միրզիյոևը վարչական բարեփոխումների մասին հայտարարել է դեկտեմբերին։ Ակնկալվում է, որ արդյունքում նախարարությունների և գերատեսչությունների թիվը 61-ից կկրճատվի 28-ի, իսկ քաղծառայողների թիվն աստիճանաբար կկրճատվի 25-30 տոկոսով։
Տաթև Ֆռանգյան
