05.11.2024 | 18:46
ԱՄՆ-ում անկարգությունների դեպքում պատրաստվում են Ազգային գվարդիա ուղարկել Վաշինգտոն
Կիևը հայտնում է, որ ՌԴ-ի կողմից Ուկրաինայի ենթակառուցվածքներին հասցված վնասը կազմում է 137,8 մլրդ դոլար
Քաղաքականություն
24.01.2023 | 19:06
Ռուսաստանի կողմից սանձազերծված պատերազմի հետևանքով Ուկրաինայի ենթակառուցվածքին հասցված փաստագրված վնասի չափը, 2022 թվականի դեկտեմբերի դրությամբ, գնահատվում է 137,8 միլիարդ դոլար (126,8 միլիարդ եվրո): Այս մասին հայտնել է Կիևի տնտեսագիտական դպրոցը, գրում է DW-ի ռուսական ծառայությունը։
«2022 թվականի նոյեմբերի դրությամբ արված վերջին հաշվարկների համեմատ՝ կորուստների ընդհանուր ծավալն աճել է գրեթե 2 միլիարդ դոլարով»,- ասվում է զեկույցում։
Նշվում է, որ «Ռուսաստանը շարունակում է ավերածություններ պատճառել Ուկրաինայի ենթակառուցվածքին զանգվածային հարձակումների, հրետակոծությունների և ռազմական գործողությունների միջոցով»:
Փորձագետների գնահատմամբ՝ վնասի աճը դեկտեմբերի արդյունքներով կապված է է բնակարանային ֆոնդի, կրթական հաստատությունների, մշակույթի, կրոնական և սպորտային օբյեկտների ոչնչացման հետևանքով առաջացած կորուստների ավելացման հետ։
Էմմա Չոբանյան
