18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Նախագահը ստորագրել է Շիրակի մարզի 4 դատավորներին Երևանի դատավոր նշանակելու հրամանագրեր
Հասարակություն
24.01.2023 | 13:30
Շիրակի մարզի ընդհանուր իրավասության դատարանի 4 դատավոր՝ Ռոման Սմբատյանը, Էդուարդ Մկրտչյանը, Արամայիս Ասատրյանը և Տիգրան Ոսկանյանը նշանակվել են Երևանի ընդհանուր իրավասության դատարանի դատավոր։ Հանրապետության նախագահը՝ երեկ՝ հունվարի 23-ի է ստորագրել դատավորների նշանակման վերաբերյալ հրամանագրերը։ Նախագահի՝ հունվարի 23-ի մեկ այլ հրամանագրով Հայկ Աղաքարյանը նշանակվել է Սյունիքի մարզի ընդհանուր իրավասության դատարանի դատավոր։
Հիշեցնենք, որ Դատական օրենսգրքում տեղի ունեցած փոփոխություններից հետո Երևանի ընդհանուր իրավասության դատարանի 7 դատավոր ստացել է ռեզերվային դատավորի կարգավիճակ, և դատարանում քրեական մասնագիտացմամբ 7 դատավորի թափուր հաստիք էր առաջացել։
Երեկ Շիրակի մարզի փաստաբանները Factor.am-ին դժգոհություն էին հայտնել մարզի քրեական մասնագիտացմամբ բոլոր դատավորներին Երևանի դատարան տեղափոխելու ԲԴԽ-ի մտադրության վերաբերյալ։ Փաստաբաններն, այս որոշումը համարելով անտրամաբանական և անհասկանալի, ահազանգում էին, որ այն կխաթարի դատարանի աշխատանքը, մեծ վնաս կպատճառի կալանավորների իրավունքներին, կվատնվեն պետության գումարները, քանի որ դատավորը, քրեական գործերի քննությունը կիսատ թողնելով, ավարտին չհասցնելով, հեռանում է՝ այն հանձնելով մեկ այլ դատավորի, որը գործի քննությունը վերսկսելու է։
Արաքս Մամուլյան
