18.12.2025 | 10:50
Թուրքիայում Մարմարա ծովը ափից նահանջել է մոտ 20 մետր. ՏԵՍԱՆՅՈՒԹ
Ուկրաինան պատժամիջոցներ է սահմանել ռուս հոգևորականների դեմ
Քաղաքականություն
24.01.2023 | 14:14
Ուկրաինայի նախագահ Վլադիմիր Զելենսկին երեկոյան տեսաուղերձում հայտարարել է, որ Կիևը պատժամիջոցներ է սահմանում ՌԴ 22 քաղաքացիների դեմ, որոնք «հոգևորականության քողի տակ աջակցում են ահաբեկչությանը և ցեղասպանական քաղաքականությանը», գրում է BBC-ի ռուսական ծառայությունը։
Նախագահի ելույթից հետո ուկրաինական մի շարք լրատվամիջոցներ հրապարակել են ցուցակը։ Պատժամիջոցների են ենթարկվել ռուս ուղղափառ եկեղեցու 21 ներկայացուցիչներ և ավետարանական քրիստոնյաների մեկ ներկայացուցիչ։
Մասնավորապես, պատժամիջոցների են ենթարկվել Եկեղեցիների համաշխարհային խորհրդում Ռուս ուղղափառ եկեղեցու ներկայացուցիչ Միխայիլ Գունդյաևը՝ պատրիարք Կիրիլի զարմիկը, Ռուս ուղղափառ եկեղեցու Զինված ուժերի և իրավապահ մարմինների հետ համագործակցության սինոդալ բաժնի ղեկավար Ռոման Բաղդասարովը, նրա տեղակալ Ալեքսանդր Գանժինը, Լեոնիլ Եմելյանովը, Մոսկվայի և Համայն Ռուսիո պատրիարքի մամուլի ծառայության ղեկավարի պաշտոնակատար Վլադիմիր Լեգոյդան, Սինգապուրի և Հարավարևելյան Ասիայի մետրոպոլիտ Սերգեյ-Նիկոլայ Չաշինը, եկեղեցիներ արտաքին հարաբերությունների բաժնի ղեկավար Գեորգի Ալֆերովը։
Էմմա Չոբանյան
