15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ԵՄ-ն պատրաստվում է հաստատել Ուկրաինային 500 մլն եվրոյի օգնության հերթական փաթեթը
Քաղաքականություն
23.01.2023 | 19:32
ԵՄ երկրները հունվարի 23-ին պայմանավորվել են Ուկրաինային 500 մլն եվրոյի չափով ռազմական օգնության հերթական տրանշի շուրջ, գրում է BBC-ի ռուսական ծառայությունը։
Անցած շաբաթ հայտնի դարձավ, որ Հունգարիայի կառավարությունը մտադիր է արգելափակել համաձայնագիրը։ Սակայն մինչ հանդիպման մեկնարկը Եվրամիության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը հույս է հայտնել, որ համաձայնություն ձեռք կբերվի։
ԵՄ գործադիրում Reuters-ի աղբյուրի փոխանցմամբ՝ եվրոպական բլոկը նաև աշխատում է հակառուսական պատժամիջոցների տասներորդ փաթեթի ուղղությամբ, որը պետք է ուժի մեջ մտնի փետրվարին։
Փաթեթի մանրամասները կհայտարարվեն ավելի ուշ, սակայն արդեն հայտնի է, որ ի թիվս այլ հարցերի՝ քննարկվում է Եվրոպայում սառեցված ռուսական կենտրոնական բանկի ակտիվների օգտագործումը պատերազմից հետո Ուկրաինան վերականգնելու համար։ Խոսքը շուրջ 300 միլիարդ եվրոյի մասին է։
Տաթև Ֆռանգյան
