26.07.2026 | 21:56
Խուդաթյանը շրջայց է կատարել Իրանում կառուցվող թունելում և ճանապարհի կառավարման կենտրոնում
Պուտինը կարծում է, որ ԵՏՄ-ն կարող է բազմաբևեռ աշխարհի հզոր բևեռներից մեկը դառնալ
Քաղաքականություն
23.01.2023 | 13:31
Եվրասիական տնտեսական միությունը (ԵՏՄ) ունի ամբողջ անհրաժեշտ ներուժը՝ դառնալու զարգացող բազմաբևեռ աշխարհի հզոր, անկախ և ինքնաբավ բևեռներից մեկը։ Այս մասին ասվում է ՌԴ նախագահ Վլադիմիր Պուտինի՝ ԵՏՄ անդամ երկրների ղեկավարներին ուղղված ուղերձում, որը հրապարակվել է Կրեմլի պաշտոնական կայքում։
Ռուսաստանի ղեկավարը նշել է, որ ԵՏՄ-ն ներսում սերտ ինտեգրումն «արժանի պատասխան է դարձել այնպիսի գլոբալ խնդիրների, որոնք սրվել են համաճարակի և մի շարք երկրների կողմից անօրինական պատժամիջոցների կիրառման պատճառով, ինչպիսիք են աղքատությունը, կլիմայի փոփոխությունն ու ռեսուրսների պակասը, այդ թվում՝ դրանցից ամենագլխավորը՝ սնունդ, ջուր, էներգակիրներ»։
«Ակնհայտ է, որ միությունն ունի բոլոր հնարավորությունները՝ դառնալու ձևավորվող բազմաբևեռ աշխարհի հզոր, անկախ, ինքնաբավ բևեռներից մեկը, դառնալու գրավչության կենտրոն բոլոր անկախ պետությունների համար, որոնք կիսում են մեր արժեքները և ձգտում են համագործակցել ԵՏՄ-ի հետ»,- ընդգծել է Պուտինը։
Նա հիշեցրել է, որ այս տարվա հունվարի 1-ից Ռուսաստանը ստանձնել է Եվրասիական տնտեսական բարձրագույն խորհրդի, Եվրասիական միջկառավարական խորհրդի և Եվրասիական տնտեսական հանձնաժողովի խորհրդի նախագահությունը։
Տաթև Ֆռանգյան
