07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Ադրբեջանի թենիսի ֆեդերացիան պահանջել է պատժել Կարեն Խաչանովին, ՌԴ-ում խոստացել են«որոշակի միջոցներ» ձեռնարկել
23.01.2023 | 11:33
Ադրբեջանի թենիսի ֆեդերացիան (ATF) դիմել է թենիսի միջազգային ֆեդերացիային (IRF)՝ պահանջելով պատժել Կարեն Խաչանովին. գրում է life.ru-ն։
Հիշեցնենք, որ ՌԴ-ի կազմից հանդես եկող հայ թենիսիստը 2 անգամ Ավստրալիայի բաց առաջնությունում տարած հաղթանակից հետո աջակցության խոսքեր է գրել Արցախին: 1/8 եզրափակիչ դուրս գալուց հետո տեսախցիկին հայտնվել է «Արցախ, ուժեղ մնա» գրությունը, իսկ հաջորդ հաղթանակին հաջորդել է «Շարունակեք հավատալ մինչև վերջ: Արցախ, եղիր ուժեղ» տեքստը:
«Թենիսում տեսախցիկի վրայի գրությունները յուրահատուկ ավանդույթ են, սակայն Խաչանովը դրանք չարաշահել է ու օգտագործել իր կեղտոտ նպատակների համար: Ադրբեջանի ֆեդերացիան նամակ է ուղարկել Միջազգային ֆեդերացիա, որում արտահայտված են մեր երկրի դեմ ուղղված փաստեր ու իրավաբանական փաստաթղթեր: Պահանջում ենք որոշիչ պատժամիջոցներ կիրառել Խաչանովի նկատմամբ, որպեսզի նմանատիպ իրավիճակ էլ չկրկնվի»,- նշված է հայտարարության մեջ:
ATF-ի ղեկավար Օկտայ Ասադովը դիմել է նաև Ռուսաստանի թենիսի ֆեդերացիայի (FTR) նախագահ Շամիլ Տարպիշչևին՝ Խաչանովի նկատմամբ «կոշտ միջոցներ» ձեռնարկելու խնդրանքով։ Տարպիշչևն իր հերթին ասել է, որ «լրջորեն անհանգստացած է այս միջադեպով», և խոստացել է «որոշակի միջոցներ» ձեռնարկել։
