15.02.2026 | 11:58
Գրիգոր Ներսիսյանն ազատվել է Անձնական տվյալների պաշտպանության գործակալության պետի պաշտոնից
Ալիևը կկրակի՞ ԵՄ-ի դիտորդների վրա, երբ Լավրովը հրահրի․ մարտահրավեր չի՛ նետի Արևմուտքին․ Հովսեփ Խուրշուդյան․ ՏԵՍԱՆՅՈՒԹ
Քաղաքականություն
20.01.2023 | 19:17
Ի՞նչ գիտի ՌԴ ԱԳ նախարար Սերգեյ Լավրովը, որ ԵՄ-ի առաքելության՝ Հայաստանում տեղակայելուց հետո խնդիրներ են լինելու։ Նա օրերս դժգոհեց, որ չնայած ՀՀ-ն և ՌԴ-ն դաշնակիցներ են, և ՀԱՊԿ-ի առաքելությունը լիովին պատրաստ է, ՀՀ-ն նախընտրում է ԵՄ-ի հետ պայմանավորվել դիտորդական առաքելություն տեղակայելու հարցով:
«Բայց պետք չէ մոռանալ, որ խոսքն Ադրբեջանի հետ սահմանի մասին է, և երևի թե, եթե այդ առաքելությունը տեղակայվի առանց Ադրբեջանի համաձայնության, դա կարող է հակառակ արդյունքը տալ, և վստահությունն ամրապնդելու փոխարեն կարող է հավելյալ խնդիրներ ստեղծել»,- զգուշացրեց Լավրովը։
«Ազատ քաղաքացի» ՀԿ ղեկավար Հովսեփ Խուրշուդյանը Factor TV-ին տված հարցազրույցում կարծիք է հայտնում, որ այսպիսով ՌԴ ԱԳ նախարար Լավրովը հասկացնում է, որ ռուսական կողմն է հրահրելու Ադրբեջանին՝ հարձակվել ՀՀ-ի վրա։
«Տեսե՛ք՝ ինչ է ասում Լավրովը, չի ասում, որ ինքն է արգելելու ԵՄ դիտորդների տեղակայումը ՀՀ-ում, այլ ասում է՝ Ադրբեջանը դեմ կլինի, և խնդիրներ կառաջանան։ Հասկացնում է, որ իրենք կհրահրեն Ադրբեջանին, բայց արդյո՞ք Ադրբեջանը կհրահրվի, արդյո՞ք Ադրբեջանը պատրաստ է ավելի բացահայտ մարտահրավեր նետել ԵՄ-ին։ Մի բան էլ՝ Ալիևը հարձակվեց Հայաստանի վրա Շառլ Միշելի հետ հանդիպումից հետո՝ փորձեց վարկաբեկել այդ ֆորմատը, բայց արդեն ուրիշ բան է՝ կրակել ԵՄ-ի դիտորդների վրա, դա լրիվ ուրիշ պատմություն կդառնա Ադրբեջանի համար։ Չի անելու այդպիսի բան, որովհետև այդ փրկօղակը՝ ԵՄ-ի և ԱՄՆ-ի հետ հարաբերությունները, պետք են Ալիևին»,- նշեց Հովսեփ Խուրշուդյանը։
Հարցազրույցն ամբողջությամբ՝ տեսանյութում։
Ռոբերտ Անանյան
