26.11.2024 | 13:25
Վրաստանի խորհրդարանի նախագահն առաջարկել է նախագահի ընտրությունն անցկացնել դեկտեմբերի 14-ին
Միրզոյանը կհանդիպի Ստոլտենբերգի հետ, Արցախի գազամատակարարումը մասամբ վերականգնվել է․ Լուրեր
Քաղաքականություն
20.01.2023 | 18:24
- Ադրբեջանական կողմը մասամբ բացել է Հայաստանից Արցախ մտնող միակ գազատար խողովակը, սակայն թույլ ճնշման պատճառով գազամատակարարումը Արցախում կվերականգնվի որոշակի սահմանափակումներով. տեղեկացնում են ԱՀ օպերատիվ շտաբից։ Գազը հասանելի կլինի Ստեփանակերտի բնակելի տների, շրջանային գազալցակայանների և ռազմավարական նշանակության որոշ օբյեկտների համար:
- ՆԱՏՕ-ի կայքը հայտնել է, որ հունվարի 23-ին ՆԱՏՕ-ի գլխավոր քարտուղար Յենս Ստոլտենբերգը ՆԱՏՕ-ի կենտրոնակայանում կհանդիպի Հայաստանի արտաքին գործերի նախարար Արարատ Միրզոյանի հետ։ Հանդիպման օրակարգը հայտնի չէ։
Սիսիանում համաժողով է անցկացվել Հայաստանի ՏԿԵ նախարարի և Հայաստանում Իրանի դեսպանի մասնակցությամբ։ Նախարար Գնել Սանոսյանը տեղեկացրել է, որ Լծեն-Շամբ և Տաթև-Լծեն ճանապարհահատվածների շինարարությունը կավարտվի մինչև ամառ, ճանապարհներին նախատեսվում է տալ հանրապետական նշանակության ճանապարհի կարգավիճակ: - ՏԿԵ փոխնախարար Քրիստինե Ղալեչյանն էլ հայտնել է, որ իրանական կողմին ներկայացրել են Տաթև-Լծեն ճանապարհի նորոգման և էլեկտրահաղորդման նոր ենթակայանի աշխատանքները։ ՏԿԵ նախարարի տեղակալ Հակոբ Վարդանյանն էլ նշել է, որ իրատեսական է համարում մինչև տարեվերջ Հայաստան-Իրան երրորդ էլեկտրահաղորդման գծի կառուցումն ավարտելը: Արդյունքում հնարավոր կլինի մեծացնել էլեկտրաէներգիայի մատակարարումը դեպի Իրան։
Այս ժամի լուրերը՝ տեսանյութում։
