Ադրբեջանական սադրանք, ընտանեկան բռնություն, խոշտանգումներ․ ՀՀ-ն՝ HRW-ի 2022-ի զեկույցում․ ՏԵՍԱՆՅՈՒԹ

Լուրեր

19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
Բոլորը

2022 թվականին ռազմական գործողությունների տարերային միջադեպերը շարունակել են սպառնալ Լեռնային Ղարաբաղի գյուղերի, հարակից բնակավայրերի և հայ-ադրբեջանական սահմանի երկայնքով բնակվող խաղաղ բնակիչների անվտանգությանն ու կենսունակությանը. այս մասին իր տարեկան զեկույցում արձանագրել է հեղինակավոր Human Rights Watch իրավապաշտպան կազմակերպությունը: Կառույցը մի ամբողջ ենթագլուխ է նվիրել նախորդ տարում Ադրբեջանի կողմից սանձազերծած ագրեսիային և դրա հետևանքներին:

«Human Rights Watch-ի կողմից վավերացված տեսանյութը ցույց է տալիս առնվազն յոթ հայ զինվորների արտադատական մահապատիժը, ըստ երևույթին՝ ադրբեջանական ուժերի կողմից 2022 թվականի սեպտեմբերյան մարտերի ժամանակ։ Ռուսաստանի միջնորդությամբ հաստատված զինադադարը մի քանի անգամ խախտվել է, երբ Ադրբեջանը ներխուժել է Լեռնային Ղարաբաղ և Հայաստան: Լեռնային Ղարաբաղի չլուծված հակամարտությամբ պայմանավորված քաղաքական լարվածություններն ու աճող անապահովությունը գերիշխող էին Հայաստանում տեղի ունեցող իրադարձությունների շարքում»,- նշվում է զեկույցում։

Մարդու իրավունքների պաշտպանի գրասենյակը միջազգային իրավապաշտպան կառույցին է տրամադրել տվյալներ, ըստ որոնց, օգոստոսի վերջի դրությամբ, 2020 թվականի ռազմական գործողություններից հետո 303 անձինք՝ խաղաղ քաղաքացիներ և զինվորականներ, համարվում են անհետ կորած։ Հայաստանի իշխանություններն իրենց հերթին տեղեկացրել են, 2022 թվականի սեպտեմբերի մարտերի ընթացքում զոհվել է առնվազն երեք խաղաղ բնակիչ, և Հայաստանի երեք շրջաններից, որոնք սահմանակից են Ադրբեջանին, ժամանակավորապես տեղահանվել է ավելի քան 7,600 խաղաղ բնակիչ, հիմնականում՝ կանայք և երեխաներ, վնասվել կամ ավերվել են բազմաթիվ բնակելի կառույցներ։

«Ըստ հայ իրավաբանների՝ դեռևս 2020 թվականի ռազմական գործողությունների հետ կապված առնվազն 30 հայ ռազմագերիներ և երեք խաղաղ բնակիչներ մնում են գերեվարված և, 2022 թվականի հոկտեմբերի դրությամբ, պահվում են ադրբեջանական բանտերում: Ադրբեջանի իշխանություններն այդ անձանցից ոչ մեկին չեն ճանաչում որպես ռազմագերի»,- ասվում է փաստաթղթում։

Իրավապահ մարմինների կողմից վատ վերաբերմունք, ընտանեկան բռնություն, հավաքների ազատությանը միջամտություն, հաշմանդամություն ունեցող անձանց նկատմամբ խտրականություն, սեռական կողմնորոշման ու գենդերային ինքնության հիմքով բռնություն և խտրականություն. իրավապաշտպան կառույցը մատնանշել է 2022 թվականին Հայաստանում արձանագրված խնդիրները՝ զուգահեռ նշելով, որ իշխանությունները շարունակել են իրականացնել դատական, ոստիկանական և սահմանադրական հավակնոտ բարեփոխումներ: Չնայած դրան՝ ՀՀ-ում իրավապաշտպանները գոհ չեն բարեփոխումների տեմպից և արդյունավետությունից։

Միջազգային կառույցի տեսադաշտից դուրս չի մնացել 2022-ին խոշտանգման հոդվածով կայացված առաջին դատավճիռը, որը տեղի ունեցավ հոդվածի քրեականացումից միայն 7 տարի անց: HRW-ն, միաժամանակ, արձանագրել է՝ ազատազրկման վայրերում խոշտանգումները և դաժան վերաբերմունքը շարունակվում են և հաճախ մնում են անպատիժ։

Իրավապահ մարմիններն ամբողջ տարվա ընթացքում միջամտել են հավաքների ազատությանը, անհամաչափ ուժ կիրառել ընդդիմության բողոքի ակցիաների ժամանակ. սա իրավապաշտպան կազմակերպության հաջորդ եզրահանգումն էր Հայաստանի մասին: Հղում անելով ԽԱՊԿ-ին՝ կառույցը նշում է, որ թիրախավորվել են նաև լրագրողները:

Որպես դրական քայլ՝ նշվում է, որ Հայաստանն ապաքրեականացրել է «ծանր վիրավորանքը»։ Անցած տարի Հայաստանում բարձրացվել են տուգանքները պաշտոնական գերատեսչության կողմից տեղեկատվություն չտրամադրելու համար, սակայն ԽԱՊԿ-ն արձանագրել է տեղեկատվություն ստանալու և տարածելու իրավունքի խախտման 69 դեպք:

Անցած տարում Հայաստանում շարունակել է պահպանվել հաղորդումների ցածր ցուցանիշը ընտանեկան բռնության դեպքերի վերաբերյալ: Օգոստոսի 31-ի դրությամբ՝ ութ կին սպանվել է զուգընկերների, նախկին զուգընկերների կամ ընտանիքի անդամների կողմից: Ըստ կառույցի՝ ՀՀ-ում իրավապահ մարմինները չունեն բավարար իրազեկվածություն ընտանեկան բռնության կանխարգելման համար օրենքով պահանջվող պաշտպանության մեխանիզմների վերաբերյալ: ԱԺ պատգամավոր Զարուհի Բաթոյանը պարզաբանում է՝ դրա մասով աշխատանքներ են տարվում:

Քրեական նոր օրենսգիրքն ընտանեկան բռնությունը բնորոշում է որպես մի շարք հանցագործությունների ծանրացուցիչ հանգամանք, սակայն ընտանեկան բռնությունն առանձին չի սահմանվում որպես քրեական հանցագործություն: Բաթոյանը հստակեցնում է՝ օրենսգիրքը թույլ չի տալիս սահմանել:

Մանրամասները՝ տեսանյութում։

Ռոզա Վարդանյան