05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Ռուս-բելառուսական զորավարժությունները կրկին երկարաձգվել են
Քաղաքականություն
20.01.2023 | 20:28
Բելառուսում անցկացվող ռուս-բելառուսական զորավարժությունները երկարաձգվել են առնվազն մինչև հունվարի 30-ը, միաժամանակ, ներգրավված զորավարժարանների ցանկին ավելացվել է ևս մեկը՝ Ռուժանին։ Այս մասին հայտնել է Բելառուսի «Գայուն» մոնիթորինգի խումբը։
Նշվում է, որ հունվարի 20-21-ը որոշ զորավարժարանների համար հանգստյան օրեր կլինեն, իսկ մյուսները, որտեղ կենտրոնացված են ռուսական ուժերը, կշարունակեն աշխատել առանց ընդհատումների՝ Օսիպովիչսկին, Դոմանովոն, Լեպելսկին և Օբուզ-Լեսնովսկին։
Բացի այդ, նախօրեին Ռուժանիի ռազմաօդային և հակաօդային պաշտպանության ուժերի 210-րդ ավիացիոն զորավարժարանում սկսվել են երկօրյա վարժանքներ։
«Վարժանքների ընդհանուր թիվը կազմել է 39 շաբաթ: Բելառուսի Հանրապետության զինված ուժերը կատարելագործում են իրենց հմտությունները, ավելի պատրաստված են պաշտպանությանը, սակայն, ինչպես նախկինում, նրանք պատրաստ չեն հարձակողական գործողությունների իրական մարտական փորձի բացակայության պատճառով»,- ընդգծել են դիտորդական խումբը։
Հիշեցնենք, որ հունվարի 16-ին մեկնարկել են Ռուսաստանի և Բելառուսի զինված ուժերի համատեղ ավիացիոն զորավարժությունները։ Դրանցում ներգրավված են Բելառուսի տարածքում գտնվող բոլոր ռազմական օդանավակայաններն ու ուսումնամարզական հենակետերը։
Տաթև Ֆռանգյան
