24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Զինվորներից երկուսի վիճակը ծանր է, մյուսինը՝ բավարար․ Այրվածքաբանության ազգային կենտրոնի փոխտնօրեն
19.01.2023 | 15:23
Վերակենդանացման բաժանմունքում գտնվող երկու զինվորների վիճակը գնահատվում է ծանր, իսկ երկրորդի վիճակը՝ բավարար։ Այսօր լրատվամիջոցների հետ զրույցում հայտնել է Այրվածքաբանության ազգային կենտրոնի փոխտնօրեն Կարինե Բաբայանը։
«Եթե գրանցվել է շնչուղիների այրվածք, բնականաբար, արդեն կյանքին վտանգ է սպառնում։ Բոլոր տեսակի շնչուղիների այրվածքները կյանքի համար վտանգավոր են, բայց երբ գտնվում են կլինիկայում, ավելի կառավարելի են այդ հիվանդները։
Կատարվել են վիրակապություններ, ախտորոշումը կոնկրետացվել է»,- ասել է Բաբայանը։ Նրա խոսքով՝ երեք զինվորներն էլ այս պահին ի վիճակի են հաղորդակցվել, եթե չեն գտնվում դեղորայքային քնի մեջ։
Հիշեցնենք՝ այսօր ժամը 01:30-ի սահմաններում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում։ Բռնկված հրդեհի հետևանքով զոհվել է 15 զինծառայող, 3 զինծառայող վնասվածքներով տեղափոխվել է Այրվածքաբանության ազգային կենտրոն։
