Քաղաքականություն
19.01.2023 | 21:09
Շվեդիայի վարչապետ Ուլֆ Քրիստերսոնը հայտարարել է Ուկրաինային տրվող ռազմական օգնության նոր փաթեթի մասին, որը ներառելու է նաև զրահապատ հետևակի մեքենաներ, ինչպես նաև առաջադեմ շարժական հրետանային համակարգեր, որոնք Կիևը խնդրում էր ամիսներ շարունակ, գրում է BBC-ի ռուսական ծառայությունը։
Ելույթ ունենալով մամուլի ասուլիսի ժամանակ՝ Ուլֆ Քրիստերսոնն ասել է, որ իր կառավարությունը որոշել է ռազմական օգնության երեք մասից բաղկացած փաթեթի տրամադրման մասին։ Նա նշել է, որ առաջին անգամ որոշվել է Կիև Archer հրետանային համակարգեր տեղափոխելու մասին:
Շվեդիայի փոխվարչապետ Էբբա Բուշն իր հերթին ասել է, որ մոտ հիսուն BMP-90 կհանձնվի Ուկրաինային։ Չի նշվում, թե քանի հրետանային համակարգ է փոխանցվելու Ուկրաինային։
Reuters-ի տվյալներով՝ Շվեդիան զինված ուժերի զինանոցում ունի 48 միավոր Archer համակարգ։ Սրանք ինքնագնաց հաուբիցներ են, և Ուկրաինան վաղուց հետաքրքրություն էր հայտնել այդ համակարգերի հետ կապված։
Ուկրաինայի պաշտպանության նախարար Ալեքսեյ Ռեզնիկովը թվիթերյան գրառմամբ շնորհակալություն է հայտնել Շվեդիային Archer համակարգերի տրամադրման որոշման առնչությամբ։
Էմմա Չոբանյան
