25.06.2026 | 13:36
Ուրսուլա ֆոն դեր Լեյենի նկատմամբ հետաքննություն է սկսվել Վլադիմիր Զելենսկիի ու եվրոպացի առաջնորդների հետ փակ չաթի պատճառով
Մոսկվայի քննարկումները «տարածքային նոր իրողությունների» մասին անընդունելի են ու վնասակար․ Բլինքեն
Քաղաքականություն
18.01.2023 | 18:30
ԱՄՆ պետքարտուղար Էնթոնի Բլինքենը հայտարարել է, որ Վաշինգտոնն անընդունելի է համարում Ռուսաստանի պահանջներն Ուկրաինային՝ հաշվի առնելու «տարածքային նոր իրողությունները», գրում է BBC-ի ռուսական ծառայությունը։
Թուրքիայի նախագահ Ռեջեփ Թայիփ Էրդողանի հետ հունվարի սկզբին տեղի ունեցած հեռախոսազրույցում ՌԴ նախագահ Վլադիմիր Պուտինը հենց այս պայմանն է որպես հիմք անվանել խաղաղության երկխոսության համար։
Բլինքենն ասել է, որ ԱՄՆ-ը նման դիրքորոշումը հակաարդյունավետ է համարում։
«Ռուսաստանի պահանջները, որ Ուկրաինան ճանաչի նոր տարածքային իրողությունները, անընդունելի են և թույլ չեն տալիս բանակցային գործընթաց սկսել»,- ասել է ԱՄՆ պետքարտուղարը Մեծ Բրիտանիայի արտգործնախարար Ջեյմս Քլևերլիի հետ համատեղ ճեպազրույցի ժամանակ։
Բլինքենն և Քլևերլին վստահեցրել են, որ իրենց երկրները կշարունակեն Ուկրաինային տրամադրել այն ամենը, ինչ անհրաժեշտ է ռուսական ագրեսիային հաջողությամբ հակազդելու համար։
Էմմա Չոբանյան
