14.04.2026 | 13:41
Էդուարդ Վարդանյան․ Անհավանական մարզավիճակում եմ
Խաղաղության օրակարգն էլ կատարյալ չէ․ այդտեղ էլ կան սպառնալիքներ․ Փաշինյան․ ՏԵՍԱՆՅՈՒԹ
Քաղաքականություն
18.01.2023 | 17:05
Խաղաղության օրակարգն իրականում փաստաթուղթ չէ, այլ մտածողություն ու հարցերի որոշակի դիտանկյուն։ ԱԺ-ում կառավարության հետ հարցուպատասխանի ժամանակ հայտարարեց վարչապետ Նիկոլ Փաշինյանը՝ հավելելով՝ բայց այնպես չէ, որ այդ մտածողությունը մենք որդեգրել ենք, դա էլ է ճանապարհ, որ պետք է անցնենք։
«Խաղաղության հասնելու ճանապարհին նաև պայքար է պետք, և այդ պայքարն առաջին հերթին մեր մեջ է գնում, բայց միայն մեզանով չէ»,- ասաց Փաշինյանը։
Վարչապետի խոսքով՝ ոչ խաղաղության օրակարգը Հայաստանին սպառնալիքներ է բերում, բայց խաղաղության օրակարգն էլ այնպես չէ, որ նիրվանա է կամ կատարյալ ներդաշնակություն, այնտեղ էլ կան սպառնալիքներ։
«Երբեմն ծայրահեղությունից ծայրահեղություն ենք ընկնում` օրակարգերն ու ճշմարտություններն իրար հակադրելով։ Ի հեճուկս Հայաստանում տարածված ընկալումների, ճշմարտությունը մեկ հատ չէ, պարզապես պետք է ընտրենք այն ճշմարտությունը, որն ուզում ենք, որ մերը լինի։ Եվ մենք էլ պետք է գնանք այդ ճշմարտության հետևից»,-նշեց Փաշինյանը։
Մանրամասները՝ տեսանյութում։
