30.11.2024 | 10:10
Հալեպում իրավիճակը մտահոգիչ է և բարդ․ «Գանձասար» շաբաթաթերթի խմբագիր
Սա պետական ահաբեկչություն է Ադրբեջանի կողմից, որն ուզում է ամեն ինչ անել ԼՂ ժողովրդին իր հողից հեռացնելու համար․ ֆրանսիացի պատգամավոր
Քաղաքականություն
18.01.2023 | 15:43
Ֆրանսիացի պատգամավոր Ֆրանսուա-Քսավիե Բելամին երեկ ելույթ է ունեցել Եվրախորհրդարանի նստաշրջանում՝ մարդու իրավունքների վերաբերյալ տարեկան զեկույցի քննարկման ընթացքում, և ևս մեկ անգամ ահազանգել է Լեռնային Ղարաբաղում տիրող իրավիճակի մասին։ Եվրապացի պատգամավորն այս մասին գրառում է կատարել թվիթերի իր էջում՝ նշելով, որ Եվրոպան պետք է այլևս չֆինանսավորի «ահաբեկչական պետությանը՝ Ադրբեջանին»։
«Խոսքը վտանգի տակ գտնվող մարդկանց իրավունքների մասին է, իսկ նրանք Լեռնային Ղարաբաղում են՝ մատնված անտարբերության։ Լաչինի միջանցքը՝ միակ կապող ճանապարհը այդ տարածքի հետ, ավելի քան մեկ ամիս փակ է Ադրբեջանի կողմից։ 120.000 հայ, 120.000 անմեղ քաղաքացիներ պատանդ են պահվում, այդ թվում՝ 30.000 երեխա։ Բնակչություն, որը զուրկ է ամեն ինչից, և առաջին հերթին սննդից՝ այսուհետ կտրոնով է սննդաբաժինը գնելու։ Արդեն մահվան դեպք է գրանցվել՝ հիվանդ, որ չի ստացել անհրաժեշտ բուժօգնությունը։ Ավելի քան տասներեք երեխա գտնվում է վերակենդանացման բաժանմունքում և շտապ բուժման կարիք ունի։
Հարգելի գործընկերներ, այստեղ խոսքը պետական ահաբեկչության մասին է։ Պետական ահաբեկչություն Ադրբեջան երկրի կողմից, որն ուզում է ամեն ինչ անել այս ժողովրդին իր հողից հեռացնելու համար։ Ո՞րն է Ադրբեջանի և Ռուսաստանի տարբերությունը։ Ռուսաստանի, որի դեմ մենք կոնկրետ պայքարում ենք, և որը նաև մեղսակից է այս ահաբեկչությանը։ Եվ այս առնչությամբ ի՞նչ է անում հանձնաժողովը։ Նա ֆինանսավորում է այդ գործողությունները՝ գնելով գազ պարոն Ալիևից և նրան վերաբերվելով որպես պատասխանատու գործընկերոջ։
Տիկնա՛յք և պարոնայք, այս երեկո այս պալատը հնարավոր է ջեռուցվում է հայ ժողովրդի տառապանքի գնով։ Ժամանակն է թոթափվել իրականության այս ժխտումից ու մեղսակցությունից։ Ժամանակն է եվրոպական առաքելություն ուղարկել ՝ հրատապ մարդասիրական օգնություն տրամադրելու համար։ Ժամանակն է ռեժիմի նկատմամբ պատժամիջոցներ կիրառել և, վերջապես, ուղիղ աչքերին նայելով, ասել, որ բռնությունը միշտ չէ, որ հաղթում է, և որ մի օր կհաղթի արդարությունը»,- ասել է ֆրանսիացի պատգամավորը։
Անահիտ Խաչատրյան
Depuis plus d’un mois, la seule route vers le Haut-Karabakh est fermée par l’Azerbaïdjan : Aliev prend en otage 120 000 civils arméniens, coupés de tout, privés d’alimentation et de soins. L’Europe n’a plus le droit de financer cet État terroriste. #HautKarabakh #Artsakh #Lachin pic.twitter.com/Eah8M12aGL
— Fx Bellamy (@fxbellamy) January 17, 2023
