28.04.2024 | 19:01
Նախարար Մկրտչյանը Սաուդյան Արաբիայում մասնակցում է «Համաշխարհային Տնտեսական Ֆորումին»
Հայկական կողմը գերադասում է պայմանավորվել ԵՄ-ի հետ․ Լավրովը՝ հայ-ադրբեջանական սահման ՀԱՊԿ առաքելություն ուղարկելու մասին. ՏԵՍԱՆՅՈՒԹ
Քաղաքականություն
18.01.2023 | 15:31
ՌԴ ԱԳՆ ղեկավար Սերգեյ Լավրովն ընդունել է, որ ՀԱՊԿ-ը Հայաստանում ներկայիս իրավիճակի հետ կապված դժվարություններ ունի։
«Մենք դժվարություններ ունենք Հայաստանի ներկայիս իրավիճակի հետ կապված, երբ մեր հայ ընկերներն առաջ էին քաշում Ղարաբաղում ՀԱՊԿ առաքելության ներկայության անհրաժեշտությունը, որպեսզի այնտեղ ինչ-որ չափով կայունություն ապահովվեր։ Եվ մենք Երևանում գագաթնաժողովի ժամանակ հայաձայնեցրեցինք առաքելության չափանիշները, սակայն այն ընդունել չկարողացանք, քանի որ հայ գործընկերները սկսեցին պահանջել, որ այդ փաստաթուղթը պետք է պարտադիր պարունակի Ադրբեջանի գործողությունների կոշտ դատապարտում»,- այսօր հրավիրված ասուլիսում հայտարարել է Լավրովը։
«Մենք բացատրեցինք, որ եթե խոսքը դատապարտման, հռետորաբանության, դիրքորոշման մասին է, ապա այստեղ ամեն ոք ազատ է անել՝ ինչ ասես։ Բայց եթե մենք ուզում ենք ՀԱՊԿ առաքելություն ուղարկել, ապա պարտադիր չէ, որ դա պայմանավորված լինի ինչ-որ հայտարարություններով, առավել ևս՝ կոշտ։ Մինչև հիմա պատրաստակամություն կա՝ ՀԱՊԿ առաքելություն ուղարկել հայ-ադրբեջանական սահման։ Այնուամենայնիվ, չնայած մենք դաշնակիցներ ենք, չնայած առաքելությունն ամբողջությամբ պատրաստ է, հայկական կողմը գերադասում է պայմանավորվել ԵՄ-ի հետ այն մասին, որպեսզի այնտեղ երկարատև հիմունքներով տեղակայվի ԵՄ առաքելությունը։ Եթե այդ առաքելությունը տեղակայվի առանց Ադրբեջանի համաձայնության, այն կարող է հակաարդյունավետ լինել, սահմանին վստահության ամրապնդման փոխարեն՝ այն կարող է լրացուցիչ գրգռիչներ ստեղծել»,- հայտարարել է ՌԴ ԱԳ նախարարը։
Մանրամասները՝ տեսանյութում։
Տաթև Ֆռանգյան
