25.11.2024 | 22:18
Ադրբեջանում ռազմական փորձագետի են կալանավորել` պետական գաղտնիք հրապարակելու մեղադրանքով
Ալիևը հայտարարել է, թե Հայաստանը «մոլորեցնում է միջազգային հանրությանը Լաչինի միջանցքի իրավիճակի հետ կապված»
Քաղաքականություն
18.01.2023 | 16:27
Ադրբեջանի նախագահ Իլհամ Ալիևը Դավոսի տնտեսական համաժողովի շրջանակում հանդիպել է Լիտվայի նախագահ Գիտանաս Նաուսեդայի հետ՝ զրույցի ընթացքում կրկին անհիմն մեղադրանքներ հնչեցնելով Հայաստանի հասցեին։
Մասնավորապես, անդրադառնալով Բաքվի կողմից Լաչինի միջանցքի փակմանը՝ Ալիևը նշել է, որ Հայաստանը, իբր, շահարկում է Լաչինի ճանապարհին տեղի ունեցող իրադարձությունները՝ միջազգային հանրությանը մոլորեցնելու համար, և պնդում, որ ճանապարհը փակ է կեղծ տեղեկատվության հիման վրա։ Նա ասել է, որ ճանապարհը, իբր, բաց է խաղաղ բնակչության և քաղաքացիական բեռների անցման համար։
Նա ուշադրություն է հրավիրել, իբր, «Ադրբեջանի բնական պաշարների անօրինական շահագործման դադարեցման և հանցագործ տարրերի դուրսբերման կարևորության վրա այն տարածքից, որտեղ ժամանակավորապես տեղակայված են ռուսական խաղաղապահ ուժերը»։
Ալիևը կեղծ թեզեր է ներկայացնել՝ հայտարարելով, թե հայկական կողմը երկու տարուց ավելի, իբր, Լաչինի միջանցքն օգտագործում է ականների, զենքի ու անձնակազմերի փոխադրման համար։
Հանդիպման ընթացքում նշվել է Եվրամիության խորհրդի նախագահ Շառլ Միշելի աջակցությամբ կազմակերպված ԵՄ-Ադրբեջան-Հայաստան եռակողմ ձևաչափի կարևորությունը՝ Ադրբեջանի և Հայաստանի միջև խաղաղության օրակարգի խթանման տեսանկյունից։
Էմմա Չոբանյան
