16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ղրղզստան-Տաջիկստան սահմանին իրավիճակը աստիճանաբար կարգավորվում է․ Ղրղզստանի ԱԳՆ
Քաղաքականություն
18.01.2023 | 14:50
Ղրղզստան-Տաջիկստան սահմանին իրավիճակը աստիճանաբար նորմալանում է։ Այս մասին հայտարարել է Ղրղզստանի արտաքին գործերի նախարար Ժեենբեկ Կուլուբաևը, հայտնում է EADaily-ն։
Նրա խոսքով՝ 2022 թվականը երկու հանրապետությունների հարաբերություններում բավականին բարդ ժամանակաշրջան է եղել։
«Սեպտեմբերի իրադարձություններից հետո մենք շատ երկար փակ բանակցություններ վարեցինք։ Հիմա իրավիճակը մի փոքր լավանում է։ Թե՛ տաջիկական կողմից, թե՛ մեր կողմից կա փոխըմբռնում, որ ամեն դեպքում պետք է ավարտենք սահմանային բանակցությունները»,- ասել է Կուլուբաևը։
Նա նշել է, որ ամենակարևորը սահմանային գոտում խաղաղություն հաստատելն է, ինչի մասին օրերս հեռախոսով խոսել են նախագահներ Սադիր Ջապարովն ու Էմոմալի Ռահմոնը։
«Անցյալ տարեվերջին մենք սկսեցինք շարժվել դրական ուղղությամբ: Կարծում եմ՝ այս տարի հարցի քննարկումը կշարունակենք ակտիվ տեմպերով»,- եզրափակել է նախարարը։
Տաթև Ֆռանգյան
