16.09.2026 | 11:15
Ձեր նշած գերսուպեր զենքերը ցուցադրեցիք մայիսին, բա ինչի՞ ենք վախենում աղետալի պատերազմից․ Ֆարմանյան․ ՏԵՍԱՆՅՈՒԹ
ԱՄՆ-ը Գերմանիայում սկսել է ուկրաինացի զինվորականների մարտական պատրաստման դասընթացները
Քաղաքականություն
16.01.2023 | 14:17
Շուրջ 500 ուկրաինացի զինվորականներ նախօրեին սկսել են ԱՄՆ ծրագրի շրջանակում մարտական պատրաստությունը Գերմանիայում։ Այս մասին հայտնել է ԱՄՆ զինված ուժերի միացյալ շտաբների կոմիտեի ղեկավար Մարկ Միլլին, գրում է Associated press-ը։
Միլլին, որը նախատեսում է այցելել Գրաֆենվուերի ուսումնական տարածք՝ ծրագրին տեղում ծանոթանալու համար, նշել է, որ վերապատրաստվող զորքերը մի քանի օր առաջ լքել են Ուկրաինան: Գերմանիայում կա սպառազինությունների և սարքավորումների ամբողջական փաթեթ, որոնք պետք է օգտագործվեն: Մինչ այժմ Պենտագոնը հրաժարվում էր նշել, թե կոնկրետ երբ են սկսվելու զորավարժությունները։
Ուկրաինացիները մշակելու են հարձակման կամ դրանք հետ մղելու հմտությունները, հասկանալու՝ ինչպես ավելի լավ համակարգել իրենց ստորաբաժանումները մարտի դաշտում՝ օգտագործելով հրետանի, զրահատեխնիկա, ցամաքային ուժեր։
Լրագրողների հետ զրույցում Միլլին ասել է, որ զինվորականների պատրաստումը, Ուկրաինա նոր զինատեսակների մատակարարման հետ մեկտեղ, կդառնա առանցքային՝ օգնելու ուկրաինական ուժերին վերադարձնել Ռուսաստանի կողմից գրավված տարածքները 11-ամսյա պատերազմում։
Էմմա Չոբանյան
