29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ֆրանսիացի պատգամավորը Եվրահանձնաժողովի նախագահին քննադատել է Լաչինի միջանցքի հարցով
Քաղաքականություն
16.01.2023 | 10:51
Ֆրանսիացի պատգամավոր Անն Լորանս Փեթելը թվիթերյան գրառմամբ Լաչինի միջանցքի շրջափակման և Լեռնային Ղարաբաղում հումանիտար ճգնաժամի մասին հարց է ուղղել Եվրահանձնաժողովի նախագահ Ուրսուլա Ֆոն դեր Լեյենին։
«Էներգիան ավելի մատչելի… բայց միշտ բռնապետությունից։
Ի՞նչ կարծիքի եք Լաչինի շրջափակման և Լեռնային Ղարաբաղում հումանիտար ճգնաժամի մասին, նախագահ Ուրսուլա Ֆոն դեր Լայեն»,- հարց է ուղղել Ֆրանսիա-Հայաստան բարեկամության խմբի նախագահ Անն Լորանս Փեթելը։
Նկատենք, որ Ֆոն դեր Լեյենը Շվեդիայում ելույթ ունենալիս ասել էր․ «Ռուսաստանը փորձում էր շանտաժի ենթարկել մեզ, բայց մեր միասնության շնորհիվ չհաջողվեց։ Մենք փոխհատուցեցինք ռուսական գազի կրճատումները՝ դիվերսիֆիկացնելով այլ վստահելի մատակարարների օգնությամբ։ Մենք պետք է շարունակենք մեր աշխատանքը՝ եվրոպացիների համար էներգիան ավելի մատչելի դարձնելու համար»:
Անահիտ Խաչատրյան
