24.02.2026 | 21:37
Խուդինյանը՝ իր պաշտոնանկության մասին
Նաիրա Զոհրաբյանն և Միքայել Մելքումյանն անձնական երաշխավորություն են ներկայացրել «Սասնա ծռերից» Սեդրակ Նազարյանի համար
Հասարակություն
13.06.2018 | 12:05
Այսօր Երևանի ընդհանուր իրավասության դատարանի Շենգավիթի նստավայրում «Սասնա ծռերի» 10 անդամների գործով դատական նիստին Սեդրակ Նազարյանի պաշտպան Լուսինե Սահակյանը միջնորդեց իր պաշտպանյալի կալանքի մասին որոշումը փոխել:
Փաստաբանը նշեց, որ Նազարյանի հայրն ունի լուրջ առողջական խնդիրներ, այդ թվում՝և սրտի հետ կապված:
Հիշեցնենք, որ Նազարյանը ՊՊԾ գնդի գրավման օրերին հրազենային վնասվածք էր ստացել: Փաստաբանը նաև հայտնեց, որ «Ծառուկյան» դաշինքի երկու պատգամավոր` Նաիրա Զոհրաբյանն ու Միքայել Մելքումյանն անձնական երաշխավորություն են ներկայացրել Նազարյանի համար:
Դատարանն ընդմիջում հայտարարեց, որպեսզի փաստաբանները գումարի փոխանցման ժամկետները հստակեցնեն: Ընդմիջումից հետո փաստաբան Լուսինե Սահակյանը հայտնեց, որ պատգամավորները դատարան կգան 14:30-ին:
Դատավորը որոշեց շարունակել նիստը մինչ պատգամավորների գալը, որի ընթացքում կուսումնասիրվեն ձայներիզներն ու տեսաերիզները:
