09.10.2026 | 16:32
Ռուբինյանն ընդունել է Հայաստանում ԵՄ դիտորդական առաքելության ղեկավարին
Թուրքիան կրկին սպառնացել է Հունաստանին
Քաղաքականություն
30.12.2022 | 21:04
Թուրքիայի պաշտպանության նախարար Հուլուսի Աքարը կրկին սպառնացել է Հունաստանին և զգուշացրել Էգեյան ծովում կղզիները զինելու և տարածքային ջրերն ընդլայնելու դեպքում «լուրջ խնդիրների» մասին, գրում է ՌԻԱ Նովոստին։
«Բոլորը պետք է իմանան, որ այս հարցում սխալ քայլը լուրջ խնդիրների կհանգեցնի։ Աթենքը սադրիչ քայլերի է դիմում»,- ասել է Աքարը NTV-ի հետ զրույցում։
Հավելենք, որ Թուրքիայի ԱԳ նախարար Մևլութ Չավուշօղլուն նախօրեին սպառնալիքներ էր հնչեցրել՝ Հունաստանի հասցեին՝ նշելով, որ Անկարան թույլ չի տա Էգեյան ծովում Հունաստանի տարածքային ջրերի ընդլայնում անգամ մեկ մղոնով։
Անկարայի սպառնալիքներին արձագանքել էին Հունաստանի պաշտոնյաները։
Էմմա Չոբանյան
