19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Հուսով եմ՝ Հայաստանում գիտեն, որ մենք կապված ենք դաշնակցային պարտավորություններով և՛ Հայաստանի, և՛ Ադրբեջանի հետ․ Զախարովա. ՏԵՍԱՆՅՈՒԹ
Քաղաքականություն
29.12.2022 | 13:39
Ռուսաստանն իր միջնորդական առաքելության մեջ հաշվի է առնում դաշնակցային հարաբերություններն ինչպես Հայաստանի, այնպես էլ Ադրբեջանի հետ։ Այս մասին ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Նա, միաժամանակ, հավելել է, որ Բաքվի ու Երևանի միջև հարաբերությունների կարգավորման հարցում Մոսկվան առաջնորդվում է եռակողմ համաձայնագրերով։
«Հայ-ադրբեջանական հարաբերությունների կարգավորման հարցում Ռուսաստանը հենվում է ամենաբարձր մակարդակով եռակողմ պայմանավորվածությունների ամբողջ համալիրի վրա։ Հենց դրանք էլ հուսալի հիմք են հանդիսանում Բաքվի և Երևանի միջև հարաբերությունների կարգավորման գործընթացն առաջ մղելու համար։ Իհարկե, մենք հաշվի ենք առնում, որ կապված ենք դաշնակցային պարտավորություններով թե՛ Հայաստանի, թե՛ Ադրբեջանի հետ։ Հետևաբար, որպես միջնորդ, մենք միշտ այնպիսի դիրք ենք գրավում, որը թույլ է տալիս արդյունավետորեն իրականացնել այդ գործառույթը: Ես իսկապես հույս ունեմ, որ Հայաստանում մարդիկ գիտեն այս մասին»,- ասել է ռուսաստանցի պաշտոնյան։
Մանրամասները՝ տեսանյութում։
Տաթև Ֆռանգյան
