14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Պայթյուններ են որոտացել Կիևում, Խարկովում և Լվովում
Քաղաքականություն
29.12.2022 | 13:33
Դեկտեմբերի 29-ի առավոտյան Ռուսաստանը նոր զանգվածային հրթիռային հարձակում է իրականացրել, Ուկրաինայում օդային տագնապ է հայտարարվել։ Կիևում, Խարկովում և Լվովում տեղի իշխանությունները հայտնել են պայթյունների մասին, գրում է korrespondent-ը:
Մասնավորապես, Կիևի քաղաքապետ Վիտալի Կլիչկոն հաստատել է մայրաքաղաքում տեղի ունեցած մի քանի պայթյունների մասին։ Կիևի քաղաքային ռազմական վարչությունում պարզաբանել են, որ ռուսական հրթիռի բեկորները վնասել են Դարնիցկի թաղամասի տները, տուժել է նաև Գոլոսեևսկի ձեռնարկությունը։
«Խոցված հրթիռների բեկորները վնասել են երկու առանձնատուն Դարնիցկի շրջանում: Տուժել է նաև արդյունաբերական ձեռնարկությունը Գոլոսեևսկի շրջանում և Պեչերսկի շրջանում խաղահրապարակը: Զոհերի հետ կապված տեղեկությունները ճշտվում են»,- հայտնել է Կիևի քաղաքային ռազմական վարչությունը:
Խարկովի քաղաքապետը հայտնել է շրջկենտրոնում տեղի ունեցած պայթյունների մասին։
«Հրթիռային հարձակում Խարկովի վրա։ Քաղաքում պայթյունների շարք է։ Նախնական տեղեկություններով՝ հրթիռներ են ընկել Սլոբոդա թաղամասում։ Ո՞ր օբյեկտներն են խոցվել և արդյո՞ք կան զոհեր, տեղեկատվությունը դեռևս ճշտվում է»,- գրել է նա Telegram-ում։
Լվովում պայթյունների մասին հայտնել է նաև քաղաքապետ Անդրեյ Սադովոյը։ Նա ընդգծել է, որ քաղաքի 90 տոկոսը հոսանքազրկված է։
Տաթև Ֆռանգյան
