05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Օդեսայում ապամոնտաժել են Եկատերինա 2-րդի և Սուվորովի հուշարձանները
Քաղաքականություն
29.12.2022 | 21:31
Հինգշաբթի գիշերն ուկրաինական Օդեսայի կոմունալ ծառայություններն ապամոնտաժել են Ռուսաստանի Եկատերինա 2-րդ կայսրուհու և զորահրամանատար Ալեքսանդր Սուվորովի հուշարձանները, որոնք գտնվում էին քաղաքի կենտրոնում, գրում է BBC-ի ռուսական ծառայությունը։
Ապամոնտաժված հուշարձանների լուսանկարներն իր Տելեգրամի ալիքում հրապարակել է Ուկրաինայի նախագահի աշխատակազմի ղեկավարի տեղակալ Կիրիլ Տիմոշենկոն։
Ուկրաինայի վրա ՌԴ-ի հարձակումից հետո ուկրաինական քաղաքները սկսեցին ակտիվորեն ազատվել ոչ միայն խորհրդային անուններից ու հուշարձաններից, ինչն անում էին նաև նախապատերազմյան տարիներին, այլև Ռուսաստանի հետ կապված անուններից ու հուշարձաններից։
Եկատերինա 2-րդի հուշարձանը, որի հրամանով էլ 1794 թվականին հիմնադրվել է Օդեսան, ճարտարապետ Յուրի Դմիտրիենկոյի նախագծով կանգնեցվել է 1900 թվականին, իսկ հեղափոխությունից հետո՝ 1920-ին, ապամոնտաժվել։ Արձանը վերականգվել էր 2007-ին։
Նոյեմբերի 30-ին Օդեսայի քաղաքային խորհրդի պատգամավորները կողմ էին քվեարկել Եկատերինա 2-րդի և նրա համախոհների հուշարձանը (Օդեսայի հիմնադիրների հուշարձան), ինչպես նաև Սուվորովի հուշարձանն ապամոնտաժելու և տեղափոխելու օգտին։
Նշվում է, որ հուշարձաններն ապամոնտաժելուց հետո ուղարկվելու են արվեստի թանգարան։
Էմմա Չոբանյան
