18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Պոլիկլինիկաներում աշխատաժամերի փոփոխություններ են նախատեսվում․ ՏԵՍԱՆՅՈՒԹ
28.12.2022 | 16:20
Պոլիկլինիկաներում աշխատանքային ժամերն ավելացնելու ենք, նաև ներդնելով նոր սկրինիգային ծրագրեր, նախատեսվում է նաև 30 տոկոս աշխատավարձերի բարձրացում: Այս մասին այսօր հրավիրված ասուլիսի ժամանակ նշեց առողջապահության փոխնախարար Արտակ Ջումայանը:
Նրա խոսքով՝ դա չի նախատեսում պասիվ աշխատավարձի բարձրացում, այլ հստակ աշխատանքի դիմաց է տեղի ունենալու բարձրացումը:
«Սկրինինգային ծրագրերից դեռ շարունակվում է շաքարային դիաբետի, արգանդի պարանոցի քաղցկեղի և արյան զարկերակային ճնշման սկրինինգը: Նաև մեկնարկել է պիլոտային ծրագիր կոլոռեկտալ քաղցկեղի վաղ հայտնաբերման սկրինինգային ծրագիրը, նաև շարունակվում է կրծքագեղծի քաղցկեղի ծրագիրը»,- նշեց Ջումայանը:
Փոխնախարարի խոսքով, անպտղության հաղթահարման ծրագրով այս տարի բավական լավ արդյունքներ ունեն. «Ընդհանուր առմամբ 2019-ից մինչև այս տարվա նոյեմբերը ունենք 230 ծնունդ, որից 105-ը այս տարի: Դրանցից 28-ը զոհված զինծառայողների ծնողներն են: Ունենք նաև 163 հղիություն, մեր ծրագիրն ընդլայնվելու միտում ունի»:
Ջումայանը տեղեկացրեց, որ այս տարի ներդրվել է էլեկտրոնային անաշխատունակության թերթիկի համակարգը. «Դեռևս զուգահեռ տալիս ենք նաև թղթային տարբերակը, սակայն մոտ ապագայում դա էլ չի լինի: Շուտով կունենանք կցագրման մեխանիզմ, այսինքն մեզ պետք չի լինի դիմել պոլիկլինիկա, խզել պայմանագիրը կամ գնալ այլ պոլիկլինիկա նոր պայմանագիր կնքել, այլ կարելի է հավելվածի միջոցով առցանց, երբ դիմումը ներկայացնենք կցագրվելով կոնկրետ պոլիկլինիկայի, արդեն ապակցման դիմումը կգնա նախորդ պոլիկլինիկա»,- նշեց փոխնախարարը։
Մանրամասները՝ տեսանյութում։
