05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
ՌԴ նախագահի աշխատակազմի ղեկավարի տեղակալն այցելել է ռուսների կողմից գրավված Զապորոժիեի ԱԷԿ
Քաղաքականություն
28.12.2022 | 22:54
ՌԴ նախագահի աշխատակազմի ղեկավարի տեղակալ, «Ռոսատոմի» նախկին ղեկավար Սերգեյ Կիրիենկոն այցելել է ռուսների կողմից գրավված Զապորոժիեի ատոմակայան։ Այս մասին հայտնել է ՌԴ-ի կողմից նշանակված օկուպացված Զապորոժիեի շրջանի վարչակազմի գլխավոր խորհրդի անդամ Վլադիմիր Ռոգովը, գրում է Կոմերսանտը։
«Առավելագույն ուշադրություն է դարձվել կայանների անվտանգության խնդիրներին, ինչպես նաև ատոմակայանների հուսալիության և աշխատանքի բարելավմանն ուղղված միջոցառումներին։ Սերգեյ Կիրիենկոն հաստատության տնօրեն Յուրի Չերնիչուկի հետ նաև ստուգել է, թե ինչ պայմաններում են աշխատում ձեռնարկության աշխատակիցները»,- տելեգրամյան իր ալիքում գրել է Ռոգովը։
Հավելենք, որ 2022 թվականի փետրվարի 28-ից ատոմակայանը գտնվում է ռուսական բանակի վերահսկողության տակ։ Չնայած դրան՝ այնտեղ շարունակում են աշխատել ուկրաինացի մասնագետները։
ՌԴ նախագահ Վլադիմիր Պուտինն էլ հոկտեմբերի 5-ին հրամանագիր է ստորագրել, որի համաձայն՝ ատոմակայանն անցնում է ռուսական իրավասությանը։
Էմմա Չոբանյան
