19.12.2025 | 15:16
Ադրբեջանական նավթը ՀՀ է հասել // Ֆինանսական խարդախության զոհերը նստացույց են անում ՔԿ-ի դիմաց․ ԼՈՒՐԵՐ
ՌԴ-ն կկատարի գործընկերներին ռազմական արտադրանքի մատակարարման բոլոր պարտավորությունները․ Զախարովա
Քաղաքականություն
27.12.2022 | 21:16
Ռուսաստանը կկատարի գործընկերների հանդեպ բոլոր պարտավորությունները՝ կապված ռազմական արտադրանքի մատակարարման, դրանց վերանորոգման և պահպանման հետ՝ չնայած պատժամիջոցներին։ Այս մասին այսօր հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է EADaily-ն։
«Ներկայում մենք նշում ենք ամերիկյան կառավարության էմիսարների ակտիվությունը, որոնք, ի թիվս այլ բաների, գործում են նաև օտար երկրներում ԱՄՆ դեսպանատների միջոցով և բացահայտ ճնշում գործադրում այն երկրների ռազմաքաղաքական ղեկավարության վրա, որոնց ուժային կառույցներն ունեն ռուսական (խորհրդային) արտադրության ավիացիոն տեխնիկա (ինքնաթիռներ և ուղղաթիռներ)՝ նպատակ ունենալով դադարեցնել դրա շահագործումը և հետագայում դրանք արևմտամետ միջնորդների միջոցով փոխանցել Կիևին»,- հայտարարել է Զախարովան։
Նա հավելել է, թե, իբր, որպես հիմնական փաստարկ՝ «չարամտորեն խթանում են ենթադրություններն այն մասին, որ ժամանակակից պայմաններում Ռուսաստանի Դաշնությունն անկարող է ապահովել բարձրորակ սպասարկումը և վերանորոգման համար անհրաժեշտ պահեստամասերի մատակարարումը»:
«Մենք ամբողջ պատասխանատվությամբ հայտարարում ենք, որ Ռուսաստանը խստորեն կկատարի առկա և ապագա նախագծերում բոլոր համապատասխան պարտավորությունները իր գործընկերների նկատմամբ»,- ընդգծել է ռուսաստանցի պաշտոնյան։
Տաթև Ֆռանգյան
