13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Կարսի բնակիչները դիմում են Էրդողանին՝ բացելու Հայաստանի հետ սահմանը․ Sabah
Քաղաքականություն
27.12.2022 | 20:38
Թուրքական Sabah պարբերականի սյունակագիր Յավուզ Դոնաթը Կարս կատարած այցից հետո հրապարակած հոդվածում նշում է, որ քաղաքի բնակիչները երկրի ու իշխող կուսակցության նախագահ Ռեջեփ Թայիփ Էրդողանից մի պահանջ ունեն՝ բացել Հայաստանի հետ սահմանը։
«Առևտրականներին, մասնագիտացված պալատների ղեկավարներին, քաղաքացիական հասարակության ղեկավարներին, զբոսաշրջության մասնագետներին հարցրեցինք, թե ի՞նչ մեսիջ ունենք Անկարայի համար։ Լսել ենք նույն պատասխանը։ Մեր հարգարժան նախագահից մի խնդրանք ունենք՝ կարևոր խնդիր, եթե նա լուծի․ բացել արևելյան դարպասները, Հայաստանի հետ սահմանը»,- գրում է Դոնաթը։
Նա նշում է, որ ըստ Կարսի բնակիչների՝ եթե սահմանը բացվի, Ստամբուլ գնացածները կսկսեն հետ վերադառնալ։ Հայաստանն էլ, ըստ նրանց, Կարսի միջոցով կարող է բավարարել իր կարիքները՝ սնունդ, շինանյութ, գյուղատնտեսական ապրանքներ, հագուստ։
Հավելենք, որ Հայաստանն ու Թուրքիան երկխոսություն են սկսել և հատուկ ներկայացուցիչների նշանակել սահմանների բացման ու երկրների միջև հարաբերությունների կարգավորման հարցով։ Սակայն Թուրքիան պարբերաբար ձգձգում է գործընթացը՝ այն կապելով Ադրբեջանի դիրքորոշման հետ։
Էմմա Չոբանյան
