30.10.2026 | 14:54
2 ճանապարհ կար՝ հավերժական պատերազմ կամ հավերժական խաղաղություն․ Հաջիևը՝ ՀՀ-ի հետ կարգավորման գործընթացի մասին
Բայրամովը խոսել է խաղաղության պայմանագրի շուրջ Հայաստանի առաջարկներից
Քաղաքականություն
23.12.2022 | 19:21
Ադրբեջանի ԱԳ նախարար Ջեյհուն Բայրամովի ՌԴ ԱԳՆ նախարար Սերգեյ Լավրովի հետ այսօր Մոսկվայում կայացած հանդիպումից հետո հրավիրված ասուլիսում հայտարարել է, որ Ադրբեջանը ստացել է հայկական կողմի առաջարկները, որոնց մասին նախօրեին խոսել է ՀՀ վարչապետ Նիկոլ Փաշինյանը։
Բայրամովն ասել է, որ երեկ հասցրել է մի փոքր ուսումնասիրել, սակայն գործընկերների հետ մանրամասն քննարկում չի եղել։ Նա հավելել է, որ կա ընդհանուր պատկերացում փաստաթղթի հետ կապված։
«Դժվար է ասել՝ փաստաթուղթը բավարարո՞ւմ է մեզ։ Բնականաբար, գործընթացը հեշտ չէ, բարդ է։ Կողմերի դիրքորոշումները շատ դեպքերում տարբեր են, ուստի առաջարկները պետք է քննարկվեն մի քանի փուլով։ Այդ քննարկումների արդյունքում ավելի հստակ եք արտահայտում ձեր դիրքորոշումը մյուս կողմին և ավելի լավ եք հասկանում մյուս կողմի դիրքորոշումը։ Երեկ Հայաստանի վարչապետը հայտարարել է, որ պատրաստ է ստորագրել իրենց ներկայացրած պայմաններով համաձայնագիրը։ Բայց մենք հասկանում ենք, որ պայմանագրերն այդպես չեն կնքվում։ Ելնելով այս տրամաբանությունից՝ մենք պատրաստ էինք հոկտեմբերի 2-ին Ժնևում մեր պայմաններով համաձայնագիր ստորագրել»,- ասել է Ադրբեջանի արտգործնախարարը։
Հատկանշական է, որ Բայրամովը նախորդ անգամների պես չի հայտարարել, թե խաղաղության պայմանագիրը պետք է կնքվի բացառապես ադրբեջանական կողմի առաջարկների հիման վրա։
Էմմա Չոբանյան
