14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Փաշինյանին Կրեմլի ագենտուրա՞ն է խանգարում՝ դիմի Արևմուտքին, պատմի վիճակը․ հարձակմա՞ն եք սպասում․ Լևոն Բարսեղյան․ ՏԵՍԱՆՅՈՒԹ
Քաղաքականություն
23.12.2022 | 19:02
Օրերս Նիկոլ Փաշինյանը քննադատել է ՌԴ-ի խաղաղապահներին՝ Լաչինի միջանցքը վերահսկողության տակ չպահելու համար՝ պնդելով, որ դա նոյեմբերի 9-ի հայտարարությամբ ստանձնած պարտավորության խախտում է։
ՀՀ վարչապետին ՌԴ-ից միանգամից 2 խոսնակ արձագանքեցին՝ Պուտինինը և Լավրովինը։ Պեսկովը պնդել է, թե «ՌԴ-ի խաղաղապահները գործում են երկրների միջև ստորագրված փաստաթղթերի ոգուն և տառին համապատասխան»։ Իսկ Մարիա Զախարովան նշել է․ «Ես կարող եմ հակառակն ասել՝ ռուս խաղաղապահներն իրենց առաքելությունը կատարում են։ Իրավիճակի կարգավորման ուղղությամբ քայլեր ձեռնարկվում են, աշխատանքներ են տարվում։ Հետևաբար, մեր խաղաղապահների նկատմամբ նման վերաբերմունքը չի ընդունվում»։
Փաստորեն, նոյեմբերի 9-ի տառն ու ոգին Լաչինի միջանցքը փակ պահե՞լն է․ Factor TV-ի հարցազրույցում հետաքրքրվեցինք «Ասպարեզ» ակումբի խորհրդի նախագահ Լևոն Բարսեղյանից․ «ՌԴ-ի այդ պաշտոնյաները՝ Զախարովան և Պեսկովը, նենգում են և ստում են՝ միջանցք փակելը չէ նոյեմբերի 9-ի տառը և ոգին։ Նկատելի է՝ Փաշինյանի հոգուն է հասել վիճակը, որ բաց խոսում է, բայց կոշտ պիտի լինի՝ Կրեմլից որ խոսում եք, այստեղ հալած յուղի պես չեն ընդունում։ Մոսկվան կոպտորեն նենգափոխում է նոյեմբերի 9-ի հայտարարությունը, քանի որ Բաքվի և Մոսկվայի շահերը համընկնում են»։
Լևոն Բարսեղյանն անհրաժեշտություն է տեսնում, որ ՀՀ իշխանությունն աշխարհի հետ բաց տեքստերով խոսի՝ անկեղծորեն բացահայտելով ստեղծված բարդ իրավիճակը, որ Ադրբեջանը զավթել է ՀՀ տարածքները, որ բլակադայի է ենթարկել Արցախը․ «Պարո՛ն Փաշինյան, ի՞նչն է Ձեզ խանգարում աշխարհին ուղիղ պատմել դրությունը, ինչպես Զելենսկին է անում Արևմուտքում, և ստանալ աջակցություն։ Գուցե, Կրեմլի ագենտուրա՞ն է խանգարում, բա՛ց ասեք, նոր հարձակումների, զավթումների՞ եք սպասում»։
Հարցազրույցն ամբողջությամբ՝ տեսանյութում։
Ռոբերտ Անանյան
