05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Թաթարստանի խորհրդարանն օրենք է ընդունել Հանրապետության նախագահի պաշտոնը վերացնելու մասին
Քաղաքականություն
23.12.2022 | 22:30
Թաթարստանի Պետական խորհրդի պատգամավորներն այսօր անցկացված նիստում վերջին ընթերցմամբ ընդունել են Հանրապետության Սահմանադրության մեջ փոփոխություններ կատարելու մասին օրենքը, որը, ի թիվս այլ հարցերի, նախատեսում է Թաթարստանի նախագահի պաշտոնի վերացում, հաղորդում է Ինտերֆաքսը:
Թաթարստանի բարձրագույն պաշտոնյայի նոր անվանումն է՝ «Թաթարստանի հանրապեսության ղեկավար-ռաիս», կրճատ տարբերակով՝ «Թաթարստանի հանրապետության ռաիս»։
Անցումային դրույթների համաձայն՝ նոր անունը կտարածվի միայն Թաթարստանի նորընտիր բարձրաստիճան պաշտոնյայի վրա։ Այսպիսով, երկրի ներկայիս ղեկավար Ռուստամ Միննիխանովը ստացել է «նախագահ» կոչվելու իրավունք մինչև իր լիազորությունների ավարտը՝ 2025 թվականը։
Ռուսաստանի Դաշնությունում պետական իշխանության միասնական համակարգի մասին օրենքը, որն ընդունվել է ՌԴ Պետական Դումայի կողմից 2021 թվականի դեկտեմբերին, արգելում է շրջանների ղեկավարներին նախագահ կոչել։ Մարզային օրենսդրության համապատասխան փոփոխություններն օրենքը նախատեսում է կատարել մինչև 2023 թվականը։ «Հասարակական իշխանության մասին» օրենքը նաև թույլ է տվել շրջանների օրենսդիր ժողովներին ինքնուրույն որոշել բարձրագույն պաշտոնյայի պաշտոնավարման ժամկետների քանակը։
Թաթարստանը ՌԴ միակ շրջանն է, որտեղ պահպանվել էր նախագահի պաշտոնը։
Տաթև Ֆռանգյան
