09.10.2026 | 16:32
Ռուբինյանն ընդունել է Հայաստանում ԵՄ դիտորդական առաքելության ղեկավարին
Հյուսիսային Կորեան հերթական բալիստիկ հրթիռն է արձակել
Քաղաքականություն
23.12.2022 | 21:23
Հյուսիսային Կորեան այսօր «անհայտ բալիստիկ հրթիռ» է արձակել, հայտնել են հարավկորեական զինվորականները։
«Հյուսիսային Կորեան անհայտ բալիստիկ հրթիռ է արձակել դեպի Ճապոնական ծով»,- ասվում է Հարավային Կորեայի շտաբի պետերի միացյալ հաղորդագրությունում, գրում է VOA-ն։
Արձակումը տեղի է ունեցել Հյուսիսային Կորեայի կողմից մեկ տարի շարունակ աննախադեպ զենքի փորձարկումից հետո, ներառյալ՝ ամենաառաջադեմ միջմայրցամաքային բալիստիկ հրթիռի արձակումը մեկ ամիս առաջ:
Հյուսիսային Կորեայի առաջնորդ Կիմ Չեն Ընի՝ մեծ ազդեցություն ունեցող քույրն այս շաբաթվա սկզբին պնդել է, որ Փհենյանը զարգացնի առաջադեմ տեխնոլոգիաներ՝ տիեզերքից լրտեսական արբանյակի միջոցով լուսանկարներ անելու համար:
ԱՄՆ-ը և Հարավային Կորեան ամիսներ շարունակ զգուշացնում էին, որ Փհենյանը պատրաստվում է յոթերորդ միջուկային փորձարկումն իրականացնել։ Երկու երկրները երեքշաբթի համատեղ օդային զորավարժություններ են անցկացրել՝ Կորեական թերակղզի ուղարկելով ամերիկյան B-52H ռազմավարական ռմբակոծիչը, հայտնել է Հարավային Կորեայի շտաբի պետերի միացյալ շտաբը։
Տաթև Ֆռանգյան
