24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
«Արտաքին հետախուզությունը պետք է լինի, որպեսզի թույլ չտա Նեմեսիսի անվան տակ վրեժխնդրություն լինի»․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
23.12.2022 | 14:19
ԱԺ արտահերթ նիստում «Արտաքին հետախուզական գործունեության և արտաքին հետախուզության ծառայության մասին օերքնում և կից ներկայացված օրենքներում փոփոխություններ և լրացումներ անելու մասին» նախագծերի փաթեթի քննարկման ժամանակ «Քաղաքացիական պայմանագիր» խմբակցության պատգամավոր Անդրանիկ Քոչարյանն անդրադարձավ «Հայաստան» խմբակցության պատգամավոր Գեղամ Մանուկյանի ելույթին՝ ընդգծելով․ «Մի վտանգավոր շեշտադրում լսեցի «Նեմեսիսի» մասին»։
Նշենք, որ Գեղամ Մանուկյանն իր ելույթում մասնավորապես ասել էր․ «Դաշնակցության «Նեմեսիս» գործողությունը հայկական պետականության առաջին հետախուզությունն է եղել… Դաշնակցության աստվածը արդարադատ է, ոտքի վրա առանց հիմքի որոշում չի կայացնում։ Երբ ունենում է հիմք, որոշումը կայացնում է․ ձեռքն էլ չի դողում»։
«Եթե Դաշնակցության կողմից «Նեմեսիս»-ը գնահատվում է որպես մեր արտաքին հետախուզության հիմքը, այդ դեպքում հարց է առաջանում՝ այդ հիմքն ինչի՞ մեջ է ներառված, և «Նեմեսիս»-ի ձեռքով քանի մարդ է սպանվել, եթե սպանվել է։
Դուք ասում եք՝ ձեռքը չի դողա։ Ձեռքերը պետք է դողան։ Դրա համար կստեղծվի արտաքին հետախուզությունը, այդ ֆունկցիան պետությունը կվերցնի իր վրա՝ թույլ չտալու համար «Նեմեսիսի» անվան տակ վրեժխնդրության խնդիր լուծել»,- նշեց Քոչարյանը։
Մանրամասները՝ տեսանյութում։
