15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
«Էդ անցյալում Շուշին չէինք կորցրել». Ալեն Սիմոնյանը ելույթի ժամանակ անջատեց Գեղամ Նազարյանի խոսափողը․ ՏԵՍԱՆՅՈՒԹ
Քաղաքականություն
23.12.2022 | 13:49
«Իհարկե պետք է ունենանք արտաքին հետախուզություն, և այն որքան ուժեղ ու լավը լինի, այնքան ներքին անվտանգությունն ավելի մեծ կլինի, բայց միայն օրենք ընդունելով, կառույց ստեղծելով՝ իրավիճակը չի փոխվում, պետք է քայլեր անել, որ այդ ամենը իրականություն դառնա»,- այս մասին ԱԺ արտահերթ նիստում Արտաքին հետախուզական գործունեության և արտաքին հետախուզության ծառայության մասին օրենքի և հարակից օրենքներում փոփոխություններ և լրացումներ կատարելու մասին նախագծի քննարկման ժամանակ նշեց «Հայաստան» խմբակցության պատգամավոր Գեղամ Նազարյանը։
«Տարբեր տեղեկություններ ենք ստանում, որ մեր երկիրը լցված է տարատեսակ կասկածելի մարդկանցով, որոնք թշնամական քարոզ են անում»,- նշեց Նազարյանը և կոչ արեց իրավապահ մարմիններին, զբաղցել այդ մարդկանցով։
Դիմելով իշխանական պատգամավորներին՝ ընդդիմադիր պատգամավորը նշեց․ «Հերիք է անդադար հիշել անցյալը, և ցանկացած քննադատության կամ առաջարկի չպատասխանել՝ ասելով՝ 30 տարի առաջ․․․ Այստեղ նստած են մարդիկ, որոնք 30 տարի առաջ ակտիվ գործում էին այս կամ այն ոլորտում։ Հերիք է անդադար հիշել անցյալը, էդ անցյալում Շուշին չէինք կորցրել, էդ անցյալում 4.000 մարդ չէր զոհվել․․․»։
Ալեն Սիմոնյանը Գեղամ Նազարյանին հորդորեց ավարտել ելույթը, սակայն վերջինս շարունակեց ելույթ ունենալ: ԱԺ նախագահն անջատել տվեց նրա խոսափողը:
Մանրամասները՝ տեսանյութում։
