18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Լավրովը Բայրամովի հետ զրույցում ընդգծել է Լաչինի միջանցքով անխոչընդոտ հաղորդակցության ապահովման անհրաժեշտությունը
Քաղաքականություն
22.12.2022 | 16:04
ՌԴ ԱԳ նախարար Սերգեյ Լավրովն ու Ադրբեջանի ԱԳ նախարար Ջեյհուն Բայրամովը հեռախոսազրույց են ունեցել։ ՌԴ ԱԳՆ տեղեկացնում է, որ հեռախոսազրույցի ժամանակ կողմերը ափսոսանք են հայտնել վաղը՝ դեկտեմբերի 23-ին Մոսկվայում Ադրբեջանի և Հայաստանի արտգործնախարարների հանդիպումից հրաժարվելու՝ Երևանի որոշման կապակցությամբ։
Տեղեկացվում է, որ հանդիպման ժամանակ պետք է քննարկվեր խաղաղության պայմանագրի նախապատրաստումը։
Նշվում է, որ ՌԴ-ի և Ադրբեջանի ԱԳՆ ղեկավարները քննարկել են ռուս խաղաղապահների պատասխանատվության գոտում տիրող իրավիճակը՝ կապված Լաչինի միջանցքի փակման և տարածաշրջանում հանքավայրերի շահագործման շուրջ տարաձայնությունների հետ։
Ընդգծվել է Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի, ինչպես նաև 2022 թվականի հոկտեմբերի 31-ի եռակողմ հայտարարությունների իրականացման շարունակման կարևորությունը։
Սերգեյ Լավրովն ընդգծել է Լաչինի միջանցքով Լեռնային Ղարաբաղի և Հայաստանի միջև անխոչընդոտ հաղորդակցության ապահովման վերաբերյալ եռակողմ պայմանավորվածությունների խստիվ պահպանման անհրաժեշտությունը։
Հավելենք, որ հայկական կողմն արձագանքել է ԱԳ նախարարների հանդիպման վերաբերյալ այս հայտարարությանը՝ տեղեկացնելով, որ հայկական կողմը խնդրել է հետաձգել Հայաստանի, Ռուսաստանի և Ադրբեջանի ԱԳ նախարարների հանդիպումը՝ հաշվի առնելով Լաչինի միջանցքում առկա իրավիճակը։
Տաթև Ֆռանգյան
