16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Թրամփին 4 քրեական հոդված է սպառնում Կապիտոլիումի հարձակման մեջ դերակատարման համար
Քաղաքականություն
21.12.2022 | 23:01
ԱՄՆ Կապիտոլիումի վրա 2021 թվականի հունվարի 6-ին տեղի ունեցած հարձակման շուրջ մեկուկես տարի տևած հետաքննությունն ավարտվեց հանրային լսումներից և ավելի քան հազար վկաներից հետո:
«Ամերիկայի ձայն»-ը գրում է, որ 7 դեմոկրատ և երկու հանրապետական օրենսդիրներից կազմված հանձնաժողովը մեղադրանքներ է առաջ բերում ապստամբության մեջ նախկին նախագահ Դոնալդ Թրամփի դերի վերաբերյալ:
«2021 թվականի հունվարի 6-ին առաջին անգամն էր, երբ Ամերիկայի մի նախագահը հրաժարվեց իշխանությունը խաղաղ ճանապարհով մյուսին փոխանցելու իր սահմանադրական պարտականությունից»,-ասել է հանրապետական Լիզ Չեյնի Կոմիտեն չի կարող քրեական մեղադրանք ներկայացնել, սակայն չորս անգամ դիմել է ԱՄՆ արդարադատության նախարարությանը՝ առաջարկելով չորս մեղադրանք առաջադրել Թրամփին:
Դեմոկրատ Ջեյմի Ռասկինի խոսքով՝ հանձնաժողովը կարծում է, որ ավելի քան բավարար ապացույցներ կան նախկին նախագահ Թրամփի դեմ քրեական գործ հարուցելու համար։
Օրենսդիրները նաև ասացին, որ Թրամփը պետք է մեղադրվի իրենց հետաքննությանը խոչընդոտելու, Միացյալ Նահանգներին խաբելու, դավադրության և կեղծ հայտարարություն անելու մեջ։
Ռասկինը հայտարարեց, որ իրենք գիտակցում են կոմիտեի արած յուրաքանչյուր ուղղորդման ծանրությունը, ճիշտ այնպես, ինչպես հասկանում են ժողովրդավարության դեմ հանցագործության չափը, բայց փաստերն ու օրենքն անխուսափելիորեն տանում է դրան։
Հանձնաժողովը նաև առաջարկել է քրեական մեղադրանք ներկայացնել Թրամփի փաստաբան Ջոն Իսթմանին և էթիկայի հետաքննություն անցկացնել Ներկայացուցիչների պալատի պոտենցիալ խոսնակ Քևին Մաքքարթիի և Կոնգրեսի երեք այլ հանրապետական անդամների նկատմամբ։
Թրամփը քննադատել է կոմիտեի աշխատանքը՝ այն անվանելով անարդար և անհավասարակշիռ, սակայն ցուցմունքների մեծ մասը իր աշխատակազմի անդամների կողմից է եղել:
Սպիտակ տան մամուլի քարտուղարի նախկին տեղակալ Սառա Մեթյուսի խոսքով՝ «Եթե նախագահը ցանկանար հայտարարություն անել և դիմել ամերիկացի ժողովրդին, նա կարող էր գրեթե անմիջապես հայտնվել տեսախցիկի առջև»:
ԱՄՆ-ի Կապիտոլիումի վրա հարձակման վերաբերյալ կոմիտեի հետաքննության վերջնական զեկույցը կհրապարակվի այս շաբաթ:
