07.06.2026 | 13:37
Ժամը 11:00-ի դրությամբ՝ քվեարկության ակտիվությունն ամենաբարձրն է վերջին 10 տարում
Աշխատանքային խորհրդակցություն՝ Արցախի ԱԺ նախագահի գլխավորությամբ
Քաղաքականություն
21.12.2022 | 13:51
Դեկտեմբերի 21-ին ԱՀ ԱԺ նախագահ Արթուր Թովմասյանը հրավիրել է աշխատանքային խորհրդակցություն՝ խմբակցությունների ղեկավարների, հանձնաժողովների նախագահների, աշխատակազմի պատասխանատուների մասնակցությամբ։ Այս մասին հայտնում են ԱՀ ԱԺ-ից։
Քննարկվել են յոթերորդ գումարման վեցերորդ նստաշրջանի ու հերթական նիստի օրակարգի հետ կապված հարցեր: Արթուր Թովմասյանը ներկայացրել է նստաշրջանի պարտադիր քննարկման ենթակա հարցերը: Խորհրդարանի գլխադասային հանձնաժողովների նախագահները տեղեկատվություն են հաղորդել հերթական նիստում քննարկվելիք օրինագծերի պատրաստվածության վերաբերյալ:
Նիստի օրակարգի հիմնական հարցը «Արցախի Հանրապետության 2023 թվականի պետական բյուջեի մասին» նախագիծն է՝ կից օրինագծերով:
Քննարկվել է նաև հանրապետությունում ստեղծված իրավիճակը: Որոշվել է Արցախի շրջափակման շուրջ միջազգային կառույցների արձագանքի վերաբերյալ հայտարարություն տարածել:
Խորհրդակցության ավարտին ԱԺ նախագահ Արթուր Թովմասյանը հայտարարել է, որ խորհրդարանի հերթական նիստը կհրավիրվի դեկտեմբերի 22-ին՝ ժամը 11:00-ին:
