16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ-ը ՄԱԿ-ի գլխավոր քարտուղարին մեղադրում է «ռուսական սպառնալիքներին տրվելու մեջ»
Քաղաքականություն
20.12.2022 | 20:14
ԱՄՆ-ը մեղադրում է ՄԱԿ-ի գլխավոր քարտուղար Անտոնիո Գուտերեշին «ռուսական սպառնալիքներին ակնհայտորեն տրվելու» մեջ, գրում է DW-ի ռուսական ծառայությունը։ Պատճառն այն է, որ ՄԱԿ-ը «պաշտոնյաներ չի ուղարկել Ուկրաինա ստուգելու՝ արդյո՞ք Ռուսաստանը իրականում օգտագործում է իրանական անօդաչու թռչող սարքեր հարձակումների համար»։
«Մենք ափսոսում ենք, որ ՄԱԿ-ը որևէ քայլ չի ձեռնարկել այս մեղադրանքի հետ կապված նորմալ հետաքննություն իրականացնելու համար: Մենք հիասթափված ենք, որ քարտուղարությունը, ակնհայտորեն ենթարկվելով ռուսական սպառնալիքներին, չի կատարել այս խորհրդով իրեն տրված հետաքննության մանդատը», – ասել է ՄԱԿ-ում Միացյալ Նահանգների մշտական ներկայացուցչի տեղակալ Ռոբերտ Վուդը դեկտեմբերի 19-ին ՄԱԿ-ի Անվտանգության խորհրդի նիստում:
Միացյալ Թագավորությունը, Ֆրանսիան, Գերմանիան, Միացյալ Նահանգները և Ուկրաինան պնդում են, որ իրանական արտադրության անօդաչու թռչող սարքերի մատակարարումը Ռուսաստան խախտում է ՄԱԿ-ի Անվտանգության խորհրդի 2015 թ. բանաձևը։ Նրանք պահանջում են, որ Գուտերեշը պաշտոնյաներ ուղարկի Կիև՝ հետաքննություն անցկացնելու համար:
ՄԱԿ-ի գլխավոր քարտուղարի քաղաքական հարցերով տեղակալ Ռոզմարի Դի Կարլոն հաստատել է, որ քարտուղարությունը գրավոր հարցումներ է ստացել այդ երկրներից, խոստացել է ուսումնասիրել տեղեկատվությունը և եզրակացությունները ներկայացնել Անվտանգության խորհրդին։
Տաթև Ֆռանգյան
