19.12.2025 | 16:09
Ադրբեջանի Մեջլիսը դատապարտել է Բաքվի դեմ Եվրախորհրդարանի բանաձևը
ԱԺ-ն քննարկում է արտաքին հետախուզության ծառայություն ստեղծելու նախագիծը․ այն ենթակա կլինի վարչապետին․ ՏԵՍԱՆՅՈՒԹ
Քաղաքականություն
20.12.2022 | 11:24
ԱԺ արտահերթ նիստում քննարկվում է Արտաքին հետախուզական գործունեության և արտաքին հետախուզության ծառայության մասին օերքնում և հարակից օրենքներում փոփոխություններ և լրացումներ անելու մասին նախագծերի փաթեթը։ Այն ներկայացրեց Անվտանգության խորհրդի քարտուղար Արմեն Գրիգորյանը։
Առաջարկում է ստեղծել արտաքին հետախուզություն իրականացնող առանձին մարմին, որը ենթակա կլինի ՀՀ վարչապետին։
ԱԽ քարտուղարը նշեց, որ Արտաքին հետախուզության ծառայության ստեղծմամբ ու կազմավորմամբ նախատեսվում է Հայաստանում ձևավորել հետախուզական համայնք, և այդ հետախուզական համայնքում կարևոր դերակատարություն է ունենալու արտաքին հետախուզության ծառայությունը:
Արտաքին հետախուզական ծառայության առանձին մարմին ունենալը նախատեսված է ՀՀ կառավարության 2021-2026թթ․ գործունեության ծրագրում։
«Նախագծային դրույթներով սահմանվում են ծառայության լիազորություններում կառուցվածքը, կազմավորման գործունեության ծառայողների ծառայության անցնելու, պաշտոնից ազատելու, ծառայությունը կրելու կարգն ու պայմանները, պաշտոնների ու կոչումների դասակարգումը, ծառայողների իրավունքները, պարտականությունները և պատասխանատվությունը, իրավական և սոցիալական երաշխիքները և ծառայության հետ կապված այլ հարաբերությունները։
Առկա է քաղաքական որոշում՝ ստեղծել պետական ծառայության նոր տեսակ, որը չի հանդիսանա զինվորական ծառայություն։ Դրանով հնարավորություն կընձեռվի նորաստեղծ մարմինը համալրել այլ գերատեսչություններում աշխատող հանրային ծառայողներով, ովքեր իրենց փորձով, գիտելիքներով, արհեստավարժությամբ կնպաստեն արտաքին հետախուզության ծառայության կայացմանը»,- նշեց Գրիգորյանը։
ԱԽ քարտուղարը տեղեկացրեց նաև, որ ներկայացված փաթեթով Արտաքին հետախուզության ծառայության պետը դառնում է Անվտանգության խորհրդի անդամ։
Մանրամասները՝ տեսանյութում։
