29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Factor TV-ն 2 մրցանակ ստացավ Թրաֆիքինգի և մարդկանց շահագործման դեմ պայքարի լուսաբանման մրցույթում
Հասարակություն
19.12.2022 | 21:04
Factor TV-ն այսօր երկու մրցանակ ստացավ Թրաֆիքինգի և մարդկանց շահագործման դեմ պայքարի լուսաբանման ամենամյա մրցանակաբաշխությունում:
Factor TV-ի լրագրող Արաքս Մամուլյանը «Հեռուստա/ռադիո արտադրանք» անվանակարգում արժանացավ 1-ին մրցանակին՝ «Մարմնավաճառություն էի անում, գումարը տալիս իրան. տեցի կռուգում թրաֆիքինգի գործի հետքերով» նյութի համար:
Նույն անվանակարգի երկրորդ տեղում Factor TV-ի լրագրող Սաթենիկ Հայրապետյանի «Դոկումենտն է վերցրել, մերկացրել, ջուր է լցրել»․ թրաֆիքինգ՝ խոպանում փող աշխատելու չարված խոստումո՞վ» տեսանյութն է:
Անվանակարգի երկրորդ տեղի համար մրցանակ ստացավ նաև լրագրող Տաթևիկ Աբրահամյանը:
«Հեռուստա/ռադիո արտադրանք» անվանակարգում երրորդ կարգի մրցանակ չշնորհվեց. մասնագիտական ժյուրիի որոշումն էր:
«Տպագիր կամ էլեկտրոնային նյութեր» անվանակարգում երրորդ կարգի մրցանակ շնորհվեց լրագրող Արմինե Ավետիսյանին, երկրորդ կարգի մրցանակի արժանացավ լրագրող Սոնա Մարտիրոսյանը: Այս անվանակարգում էր մրցանակ չշնորհվեց 1-ին տեղի համար:
Նշենք, որ ամենամյա լրագրողական մրցանակաբախշությունը կազմակերպում է ՀՀ Կրթության, գիտության, մշակույթի և սպորտի նախարարությունը: Մրցանակաբաշխության նպատակն է՝ խրախուսել Հայաստանում մարդկանց թրաֆիքինգի և շահագործման դեմ պայքարի բազմակողմանի, օբյեկտիվ և արդյունավետ լուսաբանումը՝ դրանով նպաստելով մարդկանց թրաֆիքինգի և շահագործման կանխարգելմանն ուղղված իրազեկվածության մակարդակի բարձրացմանը:
Այս տարի ժյուրիի կազմում էին ներկայացուցիչներ ԿԳՄՍ, Աշխատանքի և սոցիալական հարցերի նախարարություններից, Աուդի-վիզուալ լրագրողների հասարակական կազմակերպության նախագահ Արզուման Հարությունյանը, Media.am կայքի խմբագիր Գեղամ Վարդանյանը, «Հետք» առցանց պարբերականի խմբագիր Լիանա Սայադյանը, թրաֆիքինգի դեմ պայքարի միջազգային փորձագետ, փաստաբան Դավիթ Թումասյանը, «Ամքոր» հասարակական-բարեգործական կազմակերպության ծրագրերի համակարգող Վիկտորիա Ավակովան:
