20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Պնդում եմ Կովկասի տարածաշրջանում ներկայիս աշխարհաքաղաքական գծերի պահպանման անհրաժեշտությունը․ Իրանի ԱԳ նախարար
Քաղաքականություն
19.12.2022 | 15:43
Իրանի ԱԳ նախարար Հոսեյն Ամիր Աբդոլահիանը Թեհրանի երկխոսության համաժողովում ունեցած ելույթում անդրադարձել է նաև Հարավային Կովկասում տիրող իրավիճակին, գրում է Մեհր գործակալությունը։
«Տարածաշրջանային կապերի և էներգետիկ անվտանգության հարցում մենք հավատում ենք տարածաշրջանների բոլոր երկրների՝ Արևմտյան Ասիայից մինչև Եվրասիա, դրական ու կառուցողական դերին, ինչպես նաև կապելու և լրացնելու նրանց տարբեր կարողությունները։ Միաժամանակ, ընդգծում ենք մեր պատրաստակամությունը՝ կառուցողական և առանցքային դեր խաղալ տարածաշրջանային կապերի ամրապնդման գործում։ Ես ընդգծում և պնդում եմ Կովկասի տարածաշրջանում ներկայիս աշխարհաքաղաքական գծերի պահպանման անհրաժեշտությունը»,- ասել է Աբդոլահիանը։
Իրանցի պաշտոնյան նշել է, որ անվտանգությունը երկուստեք խնդիր է։ Ըստ Աբդոլահիանի՝ այդ տրամաբանությամբ՝ անվտանգությունն ապահովվում է, երբ բոլորի անվտանգությունն է ապահովված․ այդ դեպքում կապահովվի նաև էներգետիկ անվտանգությունն ամենաբարձր մակարդակով։
Էմմա Չոբանյան
