16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
Չինաստանը Թայվանին է մոտեցրել 29 ինքնաթիռ և երեք ռազմանավ
Քաղաքականություն
13.12.2022 | 14:12
Թայվանի Զինված ուժերը վերջին օրվա ընթացքում արձանագրել են Չինաստանի Ժողովրդական-ազատագրական բանակի (PLA) 29 ինքնաթիռների և երեք նավերի մոտենալը դեպի կղզի: Այս մասին ասվում է Թայվանի պաշտպանական գերատեսչության ամենօրյա զեկույցում, փոխանցում է ՌԻԱ Նովոստին։
«Դեկտեմբերի 12-ի ժամը 06:00-ից դեկտեմբերի 13-ի ժամը 06:00-ն ընկած ժամանակահատվածում Թայվանի շրջակայքում նկատվել է Չինաստանի Ժողովրդական-ազատագրական բանակի 29 ինքնաթիռ և երեք նավ»,- ասվում է զեկույցում:
Նշվում է, որ կղզու հակաօդային պաշտպանության նույնականացման գոտի է մտել 21 ինքնաթիռ, այդ թվում՝ մեկ J-11 կործանիչ, երկու Y-8 բազմաֆունկցիոնալ տրանսպորտային ինքնաթիռ, 18 H-6 ռազմավարական ռմբակոծիչ։
Գերատեսչության տեղեկությունների համաձայն՝ Թայվանն օդային և ծովային պարեկների է ուղարկել՝ վերահսկելու իրավիճակը, ինչպես նաև տեղակայել ցամաքային հրթիռային համակարգեր, հայտնել են նախարարությունից:
Թայվանի շուրջ իրավիճակը զգալիորեն սրվել է օգոստոսի սկզբին ԱՄՆ Կոնգրեսի Ներկայացուցիչների պալատի նախագահ Նենսի Փելոսիի՝ կղզի կատարած այցից հետո։ Չինաստանը, որը կղզին համարում է իր շրջաններից մեկը, դատապարտել է Փելոսիի այցը՝ այդ քայլում տեսնելով ԱՄՆ-ի աջակցությունը Թայվանի անջատողականներին, և լայնածավալ զորավարժություններ անցկացրել։
Տաթև Ֆռանգյան
