30.10.2026 | 14:36
Պենտագոնը Բալթյան երկրներին խնդրում է մեղմել ՌԴ-ից սպառնալիքի վերաբերյալ հռետորաբանությունը․ Reuters
Թուրքիան ձգձգում է ռուսական նավթով բեռնված նավերի անցումը Բոսֆորի նեղուցով
Քաղաքականություն
08.12.2022 | 21:14
Սև ծովում կայանված նավթատարների թիվը, որոնք սպասում են թուրքական իշխանությունների կողմից ստուգման, մեկ գիշերվա ընթացքում ավելացել է ևս հինգով։ Այսպիսով, արդեն 16 լցանավեր սպասում են Բոսֆորով Միջերկրական ծով անցնելուն, գրում է BBC-ի ռուսական ծառայությունը։
Reuters-ի փոխանցմամբ՝ արևմտյան և թուրք պաշտոնյաները շարունակում են բանակցություններ վարել այն միջոցների շուրջ, որոնք կօգնեն նվազեցնել Սև ծովի նեղուցներով նավերի անցման հերթերը, որոնք առաջացել են այն բանից հետո, երբ Արևմուտքը ռուսական նավթի փոխադրման էմբարգո սահմանեց։
Դեկտեմբերի 5-ին Եվրամիությունում ուժի մեջ է մտել ծովային ճանապարհով ռուսական նավթի էմբարգոն։ Նույն օրվանից G7-ի երկրները, Եվրամիությունը և Ավստրալիան սահմանել են ռուսական նավթի գնի վերին շեմը՝ 60 դոլար՝ մեկ բարելի դիմաց։ Սրանից բարձր գնով մատակարարումները չեն կարող ապահովագրվել այդ երկրների ընկերություններում, իսկ դրանք իրականում վերահսկում են ամբողջ համաշխարհային շուկան։
Բացի այդ, այս ամսվա սկզբից Թուրքիան մտցրել է իր սեփական միջոցները՝ պահանջելով նավատերերից ապացուցել ապահովագրության առկայությունը, որով էլ փակվում է նեղուցներով լցանավերի անցումը կամ թուրքական նավահանգիստներում կայանումը:
Տաթև Ֆռանգյան
