17.03.2026 | 22:31
20-ից ավելի ուժ, 1 աթոռ, հին դեմքեր, նոր դաշինքներ․ ով ում հետ է միանում առաջիկա ընտրություններում. ՏԵՍԱՆՅՈՒԹ
Դատարանը ոչ իրավաչափ ճանաչեց ցուցարարի նկատմամբ ոստիկանների գործողությունները. ՀՔԱՎ
Հասարակություն
07.06.2018 | 20:09
Այսօր՝ 2018 թ․ հունիսի 7-ին ՀՀ Վարչական դատարանը մերժեց Մաշտոցի պողոտայի ցուցարար Գ. Տոնոյանի դեմ ՀՀ Ոստիկանության հայցն ու մասնակի բավարարեց Գ. Տոնոյանի ու նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանի հակընդդեմ հայցը:
Հիշեցնենք՝ ՀՀ Ոստիկանությունը պահանջել էր ցուցարարին պատասխանատվության ենթարկել ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով:
Իսկ Գ. Տոնոյանն ու նրա ներկայացուցիչը պահանջում էին ոչ իրավաչափ ճանաչել ոստիկանների գործողությունները:
Դատարանի դիրքորոշմամբ Գ․ Տոնոյանի՝ Մաշտոցի պողոտայի երթևեկելի գոտում գտնվելը չէր կարող խաթարել հավաքի խաղաղ և բնականոն ընթացքը, հետևաբար, եթե նույնիսկ Ոստիկանությունը ներկայացրել է Մաշտոցի պողոտայի երթևեկելի գոտին ազատելու պահանջ, ապա այն չէր կարող հավաքի խաղաղ և բնականոն ընթացքի ապահովման վերաբերյալ՝ օրենքով սահմանված պահանջ լինել:
