27.07.2026 | 11:32
Թրամփը «որոշակի տարածք» է տալիս Իրանի հետ բանակցություններին․ հարվածները դադարեցվել են
ԱՄՆ-ի կողմից Թուրքիային F-16-ների վաճառքի պայմանների փոփոխությունները հանվել են պաշտպանության վերջնական օրինագծից
Քաղաքականություն
07.12.2022 | 17:59
ԱՄՆ Կոնգրեսի Ներկայացուցիչների պալատ ներկայացված ուղղումը, ըստ որի՝ Թուրքիային F-16-ների վաճառքը պայմանավորված է մի շարք հանգամանքներով, հանվել է պաշտպանական ծախսերի վերջնական օրինագծից, գրում են թուրքական լրատվամիջոցները։
Մասնավորապես, Reuters-ի հաղորդմամբ՝ ԱՄՆ Ներկայացուցիչների պալատի և Սենատի օրենսդիրները հայտարարել են, որ համաձայնության են եկել պաշտպանական քաղաքականության տարեկան օրինագծի շուրջ:
«Մենք ուրախ ենք հայտարարել, որ եկել ենք երկկուսակցական, երկպալատ համաձայնության այս տարվա Ազգային պաշտպանության ակտի վերաբերյալ»,- ասվում է Ներկայացուցիչների պալատի և Սենատի զինված ուժերի հարցերով հանձնաժողովներում դեմոկրատների ու ավագ հանրապետականների նախագահների հայտարարության մեջ։
Ակնկալվում է, որ ակտն այս ամիս ընդունվելու է Սենատում, Ներկայացուցիչների պալատում, որից հետո ուղարկվելու է Սպիտակ տուն՝ նախագահ Ջո Բայդենի հաստատմանը։
Հավելենք, որ Թուրքիան դիմել է ԱՄՆ-ին՝ գնելու Lockheed Martin-ի արտադրության 40 F-16 կործանիչ և մոտ 80 արդիականացման սարք՝ իր ունեցած կործանիչների համար։
Էմմա Չոբանյան
