17.05.2026 | 21:47
Ըմբիշ Ավետիք Թութխալյանը դարձել է Մ-17 ԵԱ բրոնզե մեդալակիր
Մոնղոլիայում վերսկսվել են երեկ ցրված հակակոռուպցիոն բողոքի ցույցերը
Քաղաքականություն
06.12.2022 | 17:44
Մոնղոլիայի մայրաքաղաք Ուլան Բատորի Սուխբաատարի կենտրոնական հրապարակում վերսկսվել է բողոքի ակցիան, որն ընդհատվել էր երեկ՝ դեկտեմբերի 5-ին, ոստիկանության աշխատակիցների կողմից ցույցը ցրելու պատճառով։ Տեղական լրատվամիջոցները հայտնում են, որ Մոսկվայի ժամանակով 13:30-ի դրությամբ՝ քաղաքի կենտրոնում հավաքվել է մոտ 200 ցուցարար, գրում է kommersant-ը։
Հրապարակում հավաքված մարդիկ վանկարկում են հակակոռուպցիոն կարգախոսներ և կոչ անում քրեական պատասխանատվության ենթարկել ածխի մատակարարման հանցավոր սխեմաների հետ կապված պաշտոնյաներին: Բողոքի ակցիայի մասնակիցները դժգոհում են նաև երկրում գների բարձրացումից և կենսամակարդակի անկումից։
Բողոքի ցույցերը Մոնղոլիայի մայրաքաղաքում սկսվել էին այն բանից հետո, երբ ԶԼՄ-ները հաղորդել էին, որ պետական պաշտոնյաները Չինաստան ածխի կեղծ արտահանման միջոցով գողացել են 12,9-17,6 միլիարդ դոլար: Երեկվա բողոքի ցույցերի գագաթնակետը Կառավարության պալատի գրոհն էր, որից հետո ոստիկանությունը ցրել է ցուցարարներին։
Ըստ տեղական News.mn կայքի՝ երեկվա բողոքի ակցիայի ժամանակ տուժել է ոստիկանության և ներքին զորքերի 13 աշխատակից, մեկ զինվորական հոսպիտալացվել է։
Տաթև Ֆռանգյան
