31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Սիմոնյանը՝ Լաչինի միջանցքը փակելու Բաքվի փորձերի, Վոլկովը՝ միջանցքում «մինի-մաքսակետի» մասին․ Լուրեր
05.12.2022 | 20:40
- ՀՀ ԱԺ նախագահ Ալեն Սիմոնյանն այսօր ելույթ է ունեցել ՀԱՊԿ ԽՎ խորհրդի համատեղ նիստում և հայտարարել է, որ Հայաստանի իշխանությունները տեսնում են Ադրբեջանի մտադրությունը՝ փակել Լաչինի միջանցքը, որը հումանիտար մեծ նշանակություն ունի Լեռնային Ղարաբաղի հայերի կենսապահովման համար։ Սիմոնյանը նաև նշել է, որ վերջին շրջանում նկատելիորեն աճել են ադրբեջանական կողմի սադրանքները Լեռնային Ղարաբաղի հյուսիսում գտնվող միջանցքային հատվածում։
- Արցախում ՌԴ խաղաղապահների հրամանատար Անդրեյ Վոլկովը հայտարարել է, թե Ադրբեջանի իշխանությունների հետ համաձայնության են եկել Լաչինի միջանցքում այսպես կոչված մինիմաքսակետ տեղակայելու մասին։ Վոլկովը ասել է, թե հատուկ սարքավորումներ կտեղադրեն ռուսական առաջին անցակետում, և դա երաշխիք կլինի, որ որևէ արգելված բեռ չի տեղափոխվի։
- Ադրբեջանի ԱԳ նախարար Ջեյհուն Բայրամովը հայտարարել է, որ Բաքուն հայ-ադրբեջանական հարաբերությունների խաղաղ կարգավորման համաձայնագրի նախագիծ է պատրաստել և այն հանձնել է Երևանին։ Իր ռուս գործընկեր Սերգեյ Լավրովի հետ հանդիպումից հետո Բայրամովն ասել է, որ Բաքուն կարծում է, որ հայ-ադրբեջանական կարգավորման շուրջ բանակցությունների երրորդ փուլը կանցկացվի մինչև 2022 թվականի ավարտը։
Այս ժամի լուրերը՝ տեսանյութում։
